Қашқадарё вилояти Муборак туманида 21 март куни белгиланган тўй аъзага айланди. Бу ҳақда "Замон" информацион дастурида хабар берилди.
Маълум бўлишича, шу куни туманнинг Қорахитой қишлоғида икки ёшнинг никоҳ кечаси бўлиши режелаштирилган бўлиб, кундузи келин ва унинг холаси гўзаллик салонига, куёвнинг отаси ва яқинлари тўйнинг кам-кўстини олиб келиш учун бозорга бориш мақсадида битта машинада туман марказига йўлга чиқишади. Ҳаво салқин ва жуда туманли бўлади. Ҳали тонг отмасдан йўлга чиққан машина туман ҳудудидан узоқлашмай ҳалокатга учрайди.
"Ўша куни жуда туманли об-ҳаво эди ва борган сари туман қуюқлашиб борди. Мен ортиқ юриб бўлмаслигини айтиб, энди машинамни йўл четига олмоқчи бўлиб турганимда орқадан нимадир келиб урилди. Тушиб қарасам, "Нексия" автомобили экан", - дейди юк машина ҳайдовчиси.
Шунингдек, маълум бўлишича, ЙТҲга учраган машина ичида 7 киши бўлган.
ЙТҲ натижасида машинада бўлган кувнинг отаси, икки қариндоши ва келиннинг холаси вафот этган.
