2021 йил 28 март куни Бухоро шаҳрида ёққан кучли ёмғир натижасида шаҳарнинг ички йўллари ва аҳоли яшаш масканлари кўчаларида ёмғир сувлари тўпланиб қолган. Бу ҳақда Бухоро вилояти ФВБ Матбуот хизмати хабар бермоқда.
Бухоро вилояти ФВБ Ёнғин ~ қутқарув отряди шахсий таркиби ва техникалари Бухоро шаҳар Истиқлол, Шохруд, М.ҒОФУР кўчаларидаги ички йўлларда тўпланиб қолган ёмғир сувларини олиб ташлади.
Айни пайтда барча сув тўпланиб қолган жойларда ФВБ раҳбарлигида ФВДТ қуйи тизими техникалари жалб этилиб, ёмғир сувлари бартараф этилмоқда.
