Ижтимоий тармоқларда Тошкент шаҳар Амир Темур кўчасида баланд бинонинг бир қисми қулаб тушгани акс этган видео тарқалди.
Ҳолатга ФВВ Ахборот хизмати ойдинлик киритди.
Маълум бўлишича, аслида, ушбу холат Тошкент шаҳар Юнусобод туманининг Aмир Темур кўчасида жойлашган собиқ “Aурум” ресторани жойлашган бинони режали бузиш ишлари акс этган тасвирлардир.
Маълумот учун, ушбу жойда кўп қаватли турар-жой биноси қурилиши режалаштирилган. Ушбу ишлар барча хавфсизлик қоидаларига риоя қилинган ҳолда девор билан ўраб олиниб бузиш ишлари амалга оширилмоқда, дейилади хабарда.
