Жорий йилнинг 04 апрель куни Бахмал туманидаги Камар қишлоғи ҳудудида жойлашган “К.И” МЧЖга қарашли умумий овқатланиш шаҳобчасининг ошхонасида, ушбу МЧЖ ишчиси 1992 йилда туғилган С.Т томонидан 1995 йилда туғилган фуқаро А.Н билан ўзаро келишмовчилик туфайли тортишиб қолган.
Натижада С.Т ошхона пичоғи билан А.Н.нинг кўкрак қафасининг орқа қисмига бир маротаба уриб тан жароҳати етказган. Бу ҳақда Жиззах вилоят прокуратураси хабар бермоқда.
Ҳолат юзасидан Бахмал туман прокуратураси томонидан Жиноят кодексининг 97-моддаси 1-қисми билан жиноят иши қўзғатилган бўлиб, тергов ҳаракатлари олиб борилмоқда.
