Бугун 3-босқич синовлари мамлакатимизда ўтказилган, ўзбек-хитой олимлари ҳаммуаллифлигидаги ZF-UZ-VAC2001 вакцинасининг яна 500 минг дозаси юртимизга олиб келинди. Бу ҳақда Соғлиқни сақлаш вазирлиги Матбуот хизмати хабар бермоқда.
Эслатиб ўтамиз, кеча ушбу вакцинадан 1 миллион доза келтирилиб, эмлаш жараёнларида фойдаланилаётган ZF-UZ-VAC2001 миқдори 3 миллион дозага етган эди.
Маълумот учун, 1 апрелдан 18 майгача бўлган муддатда мамлакатимизда жами 1 412 312 доза вакцинадан фойдаланилди.
Улардан 1-босқичда эмланганлар 1125995 нафарни, 2-босқичда эмланганлар 286317 нафарни ташкил қилди.
