my5

Баҳорда зўраядиган 5 та касаллик

САЛОМАТЛИК 12.03.2016, 12:01
5018
Баҳорда зўраядиган 5 та касаллик

Баҳорда кўпгина сурункали касалликларнинг зурайиши кузатилади. Хўш, бунинг сабаби нимада? Мутахассисларнинг айтишича бунга қуйидаги омиллар сабаб бўларкан: 

Қишдан кейин организмнинг заифлашиши;
Мева ва сабзавотлар бу пайтга келиб барча витамин ва энергетик қийматини йўқотиши;
Атмосфера босимининг ўзгаришлари;
Қуёш радиациясининг кучайиши;

Баҳорда организм толиқиб қолмаслиги учун нималарга эътибор бериш кераклиги ҳақидаги саволларимизга тиббиёт фанлари номзоди, аллерголог Фотима ЙЎЛДОШЕВАжавоб беради.

— Бу даврда ҳар бир киши соғлиғига ўта эътиборли бўлиши даркор. Баҳорги илиқ кунлар бошланиши билан белгилари кучаядиган касалликларнинг олдини олиш ёки вақтида даволаш яхши самара беради ҳамда касаллик зўрайишининг олдини олади. 

Баҳорда зўриқиши кузатиладиган касалликлар қуйидагилар: 

1.Ошқозон яраси.

Асосан апрель ойида касалликнинг белгилари кузатила бошлайди. Бунинг сабаби аниқланмаган. 

Касаллик зўрайгандаги белгилар: қорин оч пайтидаги оғриқ, кечаси бошланадиган оғриқ, кўнгил айниши, оғиздан ёқимсиз ҳид келиши...  Меъда ёки ичак яраси зўрайишига йўл қўймаслик учун мавсум яқинлашиши билан олдини олиш тадбирларини кўриш даркор. 

Меъда ва ўн икки бармоқ ичак яраси гастрит каби организмда Helicobacter pylori бактерияси сабаб келиб чиқади. Бу бактерия организмимизга зарар етказишидан олдин иммунитетни кучайтириш лозим.  

Бунинг учун қуйидаги қоидаларга қатъи риоя қилишингиз керак:

Меъда яраси касаллиги билан касалланган кишилар бир кунда 5-6 марта таомланиши. Таомномасидан фақат юмшоқ овқатлар жой олиши лозим. Асосан қайнатилган ва димланган таомлар истеъмол қилиш, клечаткаси кўп бўлган маҳсулотлар — мош, нўхат, ловия, қўзиқорин, ёнғоқ, кепакли нон, лимон, нордон олмалар, қаҳва, алкоголь ва газли ичимликлар, кефир, сут, тортлар, нордон ва пишмаган мевалар ҳамда қаттиқ гўштни эса таомномадан ўчирган маъқул.  Пархезга амал қилиш шарт.

2. Асаб тизими касалликлари.

Биологик соат ишининг бузилиши ва баҳорий ўзгаришлар сабаб руҳий сиқилиш ҳамда асабийлашиш ҳолатлари кўпайиши кузатилади.  Агар атрофдагилардан ва ўз ишингиздан қониқмаслик ҳиссини сезсангиз ҳамда кўнгилингизни умидсизлик эгаллаб олса унда апрель ойи бошларида кўпроқ тоза ҳавода сайр қилиш, уйқуга вақтлироқ ётиш, жисмоний машқларни бажариш тавсия этилади. Агар бу ҳам ёрдам бермаса, бир-икки ҳафтага ишдан таътилга чиқиб, ўзингизга дам беришингиз лозим.  Касалликни даволагандан кўра, олдини олган маъқуллигини унутманг.

3. Шамоллаш.

Ҳавонинг тез-тез ўзгариб туриши, иммунитетнинг тушиб кетиши баҳорда юқумли ва бронхиал касалликларнинг ривожланишига шароит яратади. Бундан ташқари баҳорда цистит, гайморит хуружлари кучаяди. Аммо тўғри овқатланиш, витаминлар ва вирусларга қарши дорилар юқумли касалликлар билан курашиш учун иммунитетни мустаҳкамлайди. Бундан ташқари шахсий гигиена қоидаларига риоя қилинг, кўчадан келгач, қўлни обдон ювинг, хоналарни шамоллатинг.

4. Аллергия.

Бу энг кўп тарқалган баҳорги касалликлардан. Аллергияга мойиллик, асосан, ирсиятга боғлиқ бўлади. Бу касалликни баҳорда зўраймаслиги учун қуйидагиларга амал қилиш лозим:

Иложи борича эрталаб соат 11 га қадар кўчага чиқмаслик;

қуёшли ёки шамолли кунда дераза ойналарига нам матолар осиб қўйиш.

5. Тери касалликлари.

Апрель ойида ҳуснбузарлар нафакат балоғат ёшидагиларда, балки 20 ёшдан 40 ёшгача булган хотин-кизларда ҳам тошиши мумкин. Ҳуснбузарлар мавсумий омиллар таъсирида тери ости ёғ безлари ўз функциясини бажара олмагани сабабли юзага келади. Бу мавсумда микроб, бактериялар фаоллашади. Агар организмнинг иммунитети меъёрда бўлса бунинг хавфи йук. Лекин аксинча бўлса, терида майда тошмалар тошиши, шамоллаш, кўзда коньюктивит бошланиши мумкин. Буларнинг олдини олиш учун витаминлар истеъмол қилиш шарт.

Шарҳлар

Кун мавзуси: коронавирус
Об-ҳаво: Ташкент
+24° ясно
Валюта курси
10371.76
USD 7.28
12153.63
EUR -101.33
133.19
RUB -1.84