Сурхондарё вилоятига тарихда илк бор 1,9 трлн. сўм пул бериляпти. Президент ташрифидан 5 кун ўтиб эса Сурхондарё вилояти ҳокимлиги қиймати 347 млн. сўмлик 2 та Skoda Kodiaq русумли автомашинасини ҳарид қиляпти.
Ўзбекистон Республикаси Вазирлар Маҳкамасининг “Давлат бошқаруви ва маҳаллий давлат ҳокимияти органларида хизмат автотранспортларидан фойдаланиш тизимини тубдан такомиллаштириш чора-тадбирлари тўғрисида”ги қарорида вилоятлар ҳокимларининг ўринбосарлари учун сотиб олинадиган автомобилларнинг энг юқори нархи — БҲМнинг 1500 баравари (367,5 млн сўм)дан ошмаслиги белгилаб қўйилган.
Автомобил нархи қарорга мос, лекин Президент Шавкат Мирзиёев вилоят ҳақида таъриф бераркан, Сурхондарёнинг барча кўрсаткичлар бўйича 14-ўриндалигини айтган эди.
