Туркия ҳукумати коронавирусга қарши чораларни 1 июндан бошлаб аллақачон юмшатган: кафе ва ресторанлар, шунингдек спорт заллари очилган эди.
Коронавирус пандемияси сабабли Туркияда жорий қилинган комендантлик соати 1-июлдан бошлаб бутунлай бекор қилинади, деди давлат президенти Тоййиб Эрдўған. Бу ҳақда РИA Новости хабар бермоқда.
"Бугун Вазирлар Маҳкамасининг йиғилишида биз қарор қабул қилдик: 1 июлдан комендантлик соати бутунлай бекор қилинади. Давлат муассасалари нормал иш вақтига қайтади. Жамоат транспортидан фойдаланиш бўйича ёш чекловлари бекор қилинди", - деди Эрдўған телевизион мурожаатида.
