Тожикистонда янги COVID-19 инфекциясининг тарқалишининг олдини олиш бўйича эпидемияга қарши чораларни кучайтириш бўйича республика штаби мамлакатнинг 18 ёшдан катта аҳолиси учун коронавирусга қарши мажбурий эмлашни эълон қилди. Бу ҳақда "РБК" ёзмоқда.
"Штабнинг қарорига биноан, коронавирусга қарши эмлаш 18 ёшдан ошган фуқаролар учун мажбурийдир", дейилади хабарда.
Штаб вакцинация бепул амалга оширилишини таъкидлади. Эмланмаган фуқаролар тиббий ёрдамни оилавий шифокор ёки маҳаллий тиббий муассасадан олишлари керак.
Шунингдек, улар бошқа мамлакатларга саёҳат қилганидан кейин Тожикистон ҳудудига кирувчи фуқароларга ПЦР текшируви мавжудлигидан қатъий назар, COVID-19 диагностикасини ўтказиш ва ўн кун давомида ўзини изоляция қилиш режимида бўлиш тавсия этилади.
Бундан ташқари, коронавирус тарқалиш хавфи юқори бўлганлиги сабабли, расмийлар аҳолига тўй ва байрамларни энг кам иштирокчилар билан ўтказишни тавсия қилдилар.
