Ижтимоий тармоқларда Қорақалпоғистонда фуқаро Даулетмуратова Сапаргул Тлеубаевнанинг укаси Даулетмуратов Бахтияр Тлеубаевични Тахиаташ тумани ИИБ профилактика инспектори Баймуратов Саламат томонидан олиб кетилиб, туман ИИБда укасига тан-жароҳат етказилганлиги сабабли вафот этганлиги тўғрисида хабар тарқалди.
Қорақалпоғистон республикаси прокуратураси ҳолат бўйича маълумот берди:
Хабарга кўра, ҳозирда Даулетмуратов Бахтияр Тлеубаевичнинг ўлими ҳолати юзасидан Қорақалпоғистон Республикаси прокуратураси томонидан терговга қадар текширув ҳаракатлари олиб борилмоқда.
Ҳолат бўйича Тахиаташ тумани ИИБ ходимларининг хатти-ҳаракатлари юзасидан хизмат текшируви ва марҳум Б.Даулетмуратовнинг ўлими сабаблирини аниқлаш мақсадида суд-тиббий экспертизаси тайинланган.
Мазкур терговга қадар текширув ҳаракати шахсан Қорақалпоғистон Республикаси прокурори назоратига олинган.
Тергов натижаси бўйича қўшимча маълумот берилади.
