my5
Sevimli

Россия мигрантларга 30 сентябргача ҳужжатларини расмийлаштиришни тавсия қилмоқда

ЖАМИЯТ 06.09.2021, 10:39
Теглар: Россия, миграция
Россия мигрантларга 30 сентябргача ҳужжатларини расмийлаштиришни тавсия қилмоқда

Россия Федерацияси Ички ишлар вазирлиги мамлакатдаги хорижий давлатлар фуқароларига коронавирус пандемияси туфайли берилган енгиллик муддати тугаётгани муносабати билан 2021 йил 30 сентябргача барча ҳужжатларни расмийлаштиришни тавсия қилмоқда. Бу ҳақда Ташқи меҳнат миграцияси хабар бермоқда.

Маълум бўлишича, Россия Президентининг жорий йил 15 июндаги фармони билан 2020 йил 15 мартгача Россияга келган ва 2021 йил 16 июнь ҳолатига кўра, мамлакатда қолиш учун қонуний асосга эга бўлмаган чет эл фуқаролари ва фуқаролиги бўлмаган шахслар жорий йил 30 сентябрга қадар Ички ишлар вазирлигининг ҳудудий органларига мурожаат қилиб, мақомларини қонунийлаштиришга рухсат берилган .

Таъкидланишича, мазкур фармон билан Россияда миграция қонунчилигини бузган меҳнат мигрантларини мамлакат ҳудудидан мажбуран чиқариб юбориш пандемия даврида вақтинча бекор қилинган. Жорий йил 1 октябрдан ушбу тартиб қайта жорий этилади, яъни миграция қонунчилигини бузган, шу жумладан Россия бўлиш ва ишлаш ҳуқуқини берувчи ҳужжатларга эга бўлмаган меҳнат мигрантлари мамлакат ҳудудидан мажбуран чиқариб юборилади ва кейинчалик Россияга киришига маълум муддат учун тақиқ қўйилади.  

Россия Федерацияси Ички ишлар вазирлигининг қайта огоҳлантиришномасида  "Фармонда белгиланган меъёрларнинг амал қилиш муддати яқинлашиши муносабати билан, миграция марказлари ва Россия ИИВ ҳудудий органларида навбатларнинг олдини олиш мақсадида, чет эл фуқаролари ва фуқаролиги бўлмаган шахсларга ҳужжатларни ўз вақтида олиш ҳамда ваколатли ташкилотлар ходимлари нисбатан камроқ банд бўлган вақтда, яъни кунинг иккинчи ярмида ташриф буюришни тавсия қилади", дейилади.

Эслатиб ўтамиз, қамоқдан озод қилинган, Россия давлат чегараси тўғрисидаги қонун ҳужжатларини бузган, мамлакат миллий хавфсизлигига таҳдид солувчи, конституциявий тузум асосларини зўравонлик билан ўзгартириш тарафдори бўлган, террористик ёки экстремистик ҳаракатларни амалга оширишга кўмаклашувчи ёки уларни содир этувчи хорижий фуқаролар 30 сентябрга қадар мамлакатда бўлиш ва ишлаш учун қонунийлаштиришга рухсат берилганлар тоифасига кирмайди.

Маълумотларга кўра, ҳозирги вақтда Россияда МДҲ давлатларининг 700 мингдан ортиқ ноқонуний фуқаролари бор. Жорий йил апрель ойида нолегал фуқаролар сони 1 млндан ортиқ эди.

Шарҳлар

Россия яна карантинга қайтди. Барча оммавий тадбирлар бекор қилинди

04.10.2021, 18:00

Россияда коронавирус билан касалланиш ҳолатларининг кескин кўпайиши оқибатида мамлакат бўйлаб барча оммавий тадбирлар бекор қилинди. Бу ҳақда РИА Новости хабар берди.Хабарга кўра, "Роспотребнадзор" федерал хизмати...
Қорақалпоғистонда миграция ва фуқароликни расмийлаштиришда фуқаролардан 5 млн сўм ортиқча жарима ундирилган

23.09.2021, 12:54

Қорақалпоғистонда Миграция ва фуқароликни расмийлаштиришда фуқаролардан 5 млн сўм ортиқча жарима ундирилган.Олий Мажлиснинг Инсон ҳуқуқлари бўйича вакилининг (омбудсман) хабар бермоқда.Аниқланишича, фуқароликни расмийлаштириш соҳасида 2020–2021 йиллар...
Ўн минг ўзбекистонлик Россияга ишга жалб қилинади

15.09.2021, 11:40

Шу пайтгача Россия федерациясига ишга борувчи фуқаролар патент ҳужжатини олиши учун ўша мамлакатда беш хил турдаги тиббий кўрикдан ўтиши, ҳамда бармоқ изини ички ишлар базасига...
Путин ўзининг карантинга олиниши кераклигини тан олди. Кремл буни рад этди

13.09.2021, 18:43

Россия президенти карантинга ўтиши кераклигини тан олди. Бироқ, кейин Кремл давлат раҳбари мажозий маънода гапирганини тушунтирди. Бу ҳақда rbc.ru хабар берди. Россия Президенти Владимир Путин, унинг...