Юртимизда ҳар фаслнинг ўз зийнати бор. Куз фасли табиатни олтин рангга буркаб, ўзига хос завқ бағишлайди. Бу кезларда товланиб турган табиат гўзаллиги рассомларга ҳам илҳом манбаи бўлади. Табиат бағрида ранглар кўп.
Ўзбекистон Бадиий академиясининг маълум қилишича, ижодкорлар уюшмаси Тошкент вилояти бўлими аъзолари Солий Қодиров, Роберт Ким, уюшмага аъзоликка номзод Бакирбой Ўрмонов ,Чирчиқ давлат педагогика институти талабаси Азиза Бакирова ҳамда Бадиий академия тасарруфидаги Республика ихтисослаштирилган дизайн мактаби ўқувчилари Севинч Мўминова, Зарина Бобоқулова “устоз ва шогирд” анъанаси асосида Тошкент вилоятининг Бўстонлиқ туманидаги Қоронкўл қишлоғи атрофида пленерга чиқиб, этюд чизишди.
Пленер сўнггида чизилган этюдлар ҳақида фикр алмашилди. Устоз рассомлар ёшларга ўзларининг қимматли маслаҳатларини беришди.
Шу куни пленер иштирокчилари рассом, БИУ аъзолигига номзод Б. Ўрмоновнинг ижодий устахонасига бориб, асарлари билан танишишди.
