Бугун, 18 октябрь куни Президент таълим муассасалари агентлиги тизимидаги Самарқанд шаҳридаги Президент мактабида янги ўқув йили бошланди. Мазкур тадбирда Агентлик раҳбари Ҳилола Умарова, Самарқанд вилояти ҳокими Эркинжон Турдимов ва кўплаб меҳмонлар иштирок этишди.
Очилиш маросимида Агентлик раҳбари Ҳилола Умарова сўзга чиқиб, ўқувчиларни янги ўқув йили билан табриклади:
- Мамлакат эртаси билимли ёшлар - сизларнинг қўлингизда. Ҳар бирингиз бизнинг умидимизсиз. Ишонаманки, эртанги энг яхши мутахассислар, энг яхши раҳбарлар сизнинг орангиздан етишиб чиқади.
Тадбир сўнгида меҳмонлар учун мактаб биносида экскурсия ташкил этилиб, ўқувчилар учун яратилган шароитлар билан таништирилди.
