Жорий йил 23, 24 октябрь кунлари “Тошкент-Бухоро-Тошкент” йўналишида ҳаракатланадиган 770/769-сонли “Afrosiyob” замонавий поездлари янги ҳаракат жадвали бўйича ҳаракатланади. Бу ҳақда "Ўзтемирйўловчи" АЖ хабар бермоқда.
Унга кўра,
- 770-сонли “Afrosiyob” замонавий поезди ушбу кунларда Тошкент марказий темир йўл вокзалидан эрталаб соат 07:07 да;
- 769 -сонли “Afrosiyob” замонавий поезди эса соат 16:49 Бухоро темир йўл вокзалидан ҳаракатини амалга оширади.
Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин.
