Ўзбекистон делегациясининг «Корея Республикаси – Марказий Осиё» ҳамкорлик форумида иштирок этади. Бу ҳақда Ташқи ишлар вазирлиги маълум қилди.
Эртага, 30 ноябрь куни Ўзбекистон Республикаси Ташқи ишлар вазири Абдулазиз Камилов бошчилигидаги делегация Душанбе шаҳрида бўлиб ўтадиган «Корея Республикаси – Марказий Осиё» 14-ҳамкорлик форумида иштирок этади.
Учрашувда Корея Республикаси ва Марказий Осиё давлатлари ўртасидаги муносабатларнинг ҳозирги ҳолати ва янада ривожлантириш истиқболларини муҳокама қилиш режалаштирилган. Шунингдек, халқаро ва минтақавий сиёсат юзасидан фикр алмашилади.
