sevimli
Sevimli

Машинасозлар метро бекатидан Юқори Чирчиқ тумани Янгибозор шаҳарчасига автобус қатнови йўлга қўйилади

ЖАМИЯТ 30.11.2021, 13:33
Машинасозлар метро бекатидан Юқори Чирчиқ тумани Янгибозор шаҳарчасига автобус қатнови йўлга қўйилади

Бу ҳақда Ўзбекистон Республикаси Транспорт вазирлиги Ахборот хизмати хабар берди.

2021 йилнинг 1 декабрь санасидан Тошкент шаҳрида янги 190-сонли "Машинасозлар метроси АШБ – Янгибозор АШБ" автобус йўналиши ташкил этилмоқда.

Масофаси 20,1 км бўлган ушбу йўналишга янги харид қилинган ўрта сиғимли 10 та транспорт воситалари бириктирилган ҳолда 11 дақиқалик оралиқ интервал билан ҳаракатланади.

Автобуслар Машинасозлар метроси автошоҳбекатидан Тараққиёт 2-тор, Маҳтумқули, 4Р12, Мустақиллик кўчалари орқали Тошкент вилояти  Юқори Чирчиқ туманининг  Янгибозор шаҳарчаси марказидаги автошоҳбекатга қадар ҳаракатланади.

Ушбу йўналиш  Янгибозор шаҳарчасини Тошкент шаҳри билан боғлаш, Тошкент шаҳрининг Мирзо Улуғбек туманига Тошкент вилоятидан қўшилган ҳудудларни жамоат транспорти билан таъминлаш, янги барпо этилган Янги Ўзбекистон боғига шаҳар ва шаҳар атрофи аҳолисининг ташриф буюришларига қулайлик яратиш мақсадида ташкил этилмоқда.

 

Шарҳлар

Кун мавзуси: коронавирус
Об-ҳаво: Ташкент
Валюта курси