my5
Sevimli

Тошкент шаҳар ҳокимлиги: “Ўлмас полк” акцияси режалаштирилаётган тадбирлар рўйхатида мавжуд эмас

ЖАМИЯТ 03.05.2016, 09:37
Теглар: Тошкент
Тошкент шаҳар ҳокимлиги: “Ўлмас полк” акцияси  режалаштирилаётган тадбирлар рўйхатида мавжуд эмас

9 майнинг   “Хотира ва қадрлаш куни”  сифатида нишонланишида катта рамзий маъно бор. Ушбу сана нафақат юрт тинчлиги, балки бутун дунёда тинчлик ва барқарорлик ишига ҳисса қўшган минглаб ватандошларимиз хотирасига ҳурмат бажо келтириш билан бирга, меҳр ва мурувватга муҳтож бўлган кишиларни йўқлаб қўйиш, уларнинг ёлғиз эмаслиги, доимо эътиборда эканлигини яна бир бор ҳис этишларини таъминлаш куни сифатида қалбимиздан жой олган санадир.

Шу маънода,  ушбу кунни муносиб ўтказиш юзасидан пойтахт ҳокимлиги ҳам бир қатор тадбирларни ташкил этишни режалаштирмоқда. Жумладан, ҳар бир туман ҳокимлиги ўз ҳудудида ушбу санани муносиб нишонлаш бўйича аниқ тадбирларни белгилаб олган.

Жорий йилнинг 15 апрелидан 15 майигача давом этадиган тадбирлардан 1941-1945 йиллардаги уруш иштирокчиларининг уйларига ташриф буюриб, уларнинг ҳолидан хабар олиш, уларга совғалар улашиш, уй-жой шароитларини ўрганиб, зарур чоралар кўриш, байрам билан қутлаш  ишлари алоҳида ўрин олган. Жойларда маданият, санъат ва спорт, адабиёт соҳаларининг донгдор вакиллари иштирокида учрашувлар, концерт дастурлари ташкил этилади.  

Ҳар йили таълим муассасаларида ўтказиладиган “Авлодлар учрашуви”, “Эъзоз”, “Эҳтиром” каби тадбирларга жорий йилда “Тинчлик дарси” қўшилади. Ушбу дарсларда ижодкорлар томонидан тайёрланган “Тинчлик – улуғ неъмат” деб номланган ҳужжатли фильм намойиши, тинчликнинг қадрига етиш, уни асраб-авайлаш ҳар бир фуқаронинг бурчи эканлиги мавзусидаги қизиқарли маърузалар талаба ва ўқувчи ёшлар эътиборига ҳавола қилинади.

Айни ёшларнинг уруш фахрийлари, фронт ортида меҳнат қилган нуроний отахон ва онахонлар ҳузурига ташриф буюриб, бир томондан, уларнинг ҳолидан хабар олишлари, иккинчи томондан, уларнинг хотираларидан баҳрамад бўлишларига қаратилган “Табрик” тадбирлари бу кунларнинг қадрига етишда ёш авлод қалбида катта ўрин тутиши шубҳасиз.

Талаба ва ўқувчи ёшларнинг “Хотира ва қадрлаш майдони”, Ўзбекистон давлат тарихи музейи, Қуролли кучлар музейи ҳамда “Шаҳидлар хотираси” майдонларига  мўлжалланаётган саёҳатлари ҳам айни шу мақсадга хизмат қилиши шубҳасиз.

“Хотира ва қадрлаш куни” муносабати билан “Мустақиллик майдони”нинг Хотира мажмуасида расмий тадбирларнинг бўлиб ўтиши кутилмоқда.

Ҳар бир мамлакат 9-май санасини ўзига хос тарзда нишонлайди. Ўзбекистон халқи бу кунни тинчлик учун, шу дориломон кунлар учун курашганлар, бу йўлда ўз жонини фидо этганлар хотирасига эҳтиром кўрсатиш билан бирга, нафақат меҳр-мурувватга муҳтож, балки ҳар бир юртдош, ватандошининг қадр-қиммати, ҳурматини жойига қўйишдек мақсадни ўзида мужассам этган табаррук кун сифатида нишонлайди. Бу халқимизнинг бошқаларга ўхшамайдиган, ўзига хос ва бетакрор хислатларининг яна бир намойиши бўлса, ажабмас.

Тошкент шаҳар ҳокимлиги Ахборот хизматининг маълумотларига кўра, баъзи интернет сайтларида  назарда тутилаётган “Ўлмас полк” (“Бессмертный полк”) акцияси  режалаштирилаётган тадбирлар рўйхатида мавжуд эмас.

Шарҳлар

Тошкент шаҳрида ўтказиладиган U-22 Осиё чемпионатининг янги санаси маълум қилинди

21.11.2021, 17:05

шу йил Тошкент шаҳрида 22 ёшгача бўлган боксчилар ўртасида Осиё чемпионати ўтказилиши ҳақида хабар қилгандик. Бу ҳақда Ўзбекистон бокс федерацияси матбуот хизмати хабар берди. Аммо, маълум...
Тошкентда кир ювиш кукунларини қўлбола усулда тайёрлаб сотаётган цех фош этилди

10.11.2021, 18:36

Бош прокуратура ҳузуридаги Департаментнинг Учтепа туман бўлими томонидан “The Procter & Gamble” компанияси ишончли вакилининг мурожаатига асосан ўтказилган тезкор тадбирда, ЯТТ “С.Х.” тегишли ҳужжатлари бўлмаган...
Тошкентда Президент соврини учун халқаро шахмат турнири ўтказилади

06.11.2021, 22:06

Ўзбекистон Республикаси Президентининг 2021-йил 14-январдаги “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги қарорида 2021-йилдан бошлаб ҳар йили анъанавий тарзда Тошкент...
Тошкентда бўлиб ўтадиган ёшлар ўртасидаги Осиё чемпионатининг барча иштирокчилари маълум бўлди

02.11.2021, 23:54

2022 йилда Тошкентда 23 ёшгача бўлган футболчилар ўртасида Осиё чемпионати бўлиб ўтади. Хабарингиз бор, мазкур чемпионат олдидан саралаш беллашувлари ўтказилди. Тошкент мезбонлик қилган баҳсларда Тимур Кападзе...
Кун мавзуси: коронавирус
Об-ҳаво: Ташкент
Валюта курси