7 январь куни Ўзбекистонга келган хорижий давлат фуқаросидан COVID-19нинг янги Omicron штамми аниқланди.
Соғлиқни сақлаш вазирлиги бу ҳақда хабар берди.
Шу боис, республика махсус комиссиясининг навбатдаги йиғилиши ўтказилиб, унда Ўзбекистонда коронавирус инфекцияси билан касалланиш ҳолатлари ортиб бораётгани, ушбу касалликка қарши зарур чоралар кўришни давом эттириш лозимлиги қайд этилган.
Шунингдек, йиғилишда коронавирус пандемиясига қарши чоралар кўришни қатъий давом эттириш масаласи атрофлича муҳокама қилингани айтилади.
