Бу ҳақда Қозоғистон президенти Қасим-Жомарт Тоқаев бугун парламентда сўзлаган нутқида баён этган.
Унда президент жамият учун янги ижтимоий шартнома кераклигини қайд этган.
Маълум қилинишича, Қозоғистондан КХШТ қўшинлари 10 кун ичида чиқиб кетади, икки кундан кейин қўшинларни олиб чиқиб кетиш бошланади.
Шунингдек Тоқаев ўз нутқида Элбоши сабаб мамлакатда халқаро мезонларда ҳисоблаганда ҳам бойлар кўпайган, улар ижтимоий масъулиятли бўлиш, қозоқ халқи ҳақини қайтарадиган пайт келганлигини таъкидлаган.
У Хитойдан миллиардлаб долларлик маҳсулотлар қора йўллар билан мамлакатга кириб келаётганлиги сабаб, чегарадаги божхона ва импорт масаласи тартибга солинишини айтган.
Шундай қилиб, қўшни Қозоғистонда армия кучайтирилади, таълимга эътибор кучаяди, бюрократияга қарши чоралар кўрилади, халқ билан мулоқот тубдан янгиланади.
