sevimli
Sevimli

Андижонда МИБ ходими калтакланиб, пичоқ билан тан жароҳати етказилди

ЖИНОЯТ 13.01.2022, 18:58
Андижонда МИБ ходими калтакланиб, пичоқ билан тан жароҳати етказилди

Асака туманида ноқонуний савдо дўконини бузиш учун келган МИБ ходими калтакланиб, пичоқ билан тан жароҳати етказилди.

Бу ҳақда МИБ Ахборот хизматининг Kun.uz'га маълум қилган.  ФИБ Асака туманлараро судининг ижро варақасига кўра, Асака тумани, Нажмиддин Кубро кўчасида жойлашган автошоҳбекатнинг йўловчилар учун мўлжалланган кутиш ҳудудида қарздор А.Жумаев томонидан ўзбошимчалик билан қуриб олинган савдо дўкони қурилмаси унинг ҳисобидан мажбурий тартибда буздирилиши белгиланган.

Мазкур суд қарори ижроси бўйича Бюронинг Асака туман бўлими давлат ижрочиси Х.Меҳмонов томонидан ижро иши юритиш қўзғатилиб, суд ҳужжати талабини бажариш ҳақида қарздор бир неча бор огоҳлантирилган ва ўтказилган мажбурий ижро ҳаракатларида А.Жумаев иштирок этмаганлиги сабабли бошқа кунга қолдирилган.

Суд қарори ижросини ихтиёрий бажармаганлиги сабабли А.Жумаевга нисбатан ЎзР МЖтКнинг 198-1-моддасига асосан 540 минг сўм жарима жазоси тайинланган.

11 январ куни ноқонуний қурилмани бузиш учун ваколатли идоралар вакиллари иштирокида мажбурий ижро ҳаракатлари ўтказиш давомида қарздорнинг ўғли С.Жумаев дўконда бўлган ошхона пичоғи билан тарафларни қўрқитиб, давлат ижрочиси Х.Меҳмоновга тан жароҳати етказган. 

Бош прокуратура Матбуот хизматининг хабар беришича, ҳозирда мазкур ҳодиса бўйича Асака туман прокуратураси томонидан терговга қадар текшириш ҳаракатлари олиб борилмоқда.

Шарҳлар

Кун мавзуси: коронавирус
Об-ҳаво: Ташкент
Валюта курси