Бироз аввал "Туркистон" метро бекатида ёнғин содир бўлгани хақида хабар берган эдик.
ФВВ холат юзасидан расмий баёнот берди.
"Бугун, 14-январ куни соат 18:12 да Тошкент шаҳрининг Юнусобод туманидан ўтувчи метронинг "Туркистон" бекатида электр симларининг қисқа туташуви юзага келган.
Натижада айрим вагонларга тутун кирган. Ушбу ҳолат бўйича Фавқулодда вазиятлар вазирлиги ҳамда тегишли ташкилотлар зарур чора-тадбирларни олиб борди ва хавф бартараф этилди. Воқеа натижасида жабрланган фуқаролар йўқ. Айни вақтда метро қатнови режа асосида давом этмоқда"
