sevimli
Sevimli

Тошкентда 24 соат давомида ишлайдиган махсус COVID поликлиникалари фаолият бошлади – ССВ

ЖАМИЯТ 15.01.2022, 11:12
Теглар: коронавирус
Тошкентда 24 соат давомида ишлайдиган махсус COVID поликлиникалари фаолият бошлади – ССВ

Сўнгги кунларда дунёда коронавирус инфекцияси яна авж олди. Айниқса, касалликнинг Omicron штамми сабабли қатор мамлакатларда вазият анча таҳликали. Шу сабабли кўплаб давлатлар кескин карантин чораларини қўллаш орқали мураккаб вазиятни изга солишга уринмоқда.

Юртимизда ана шу каби салбий ҳолатларнинг олдини олиш, хусусан, коронавирус инфекцияси аниқланган, бироқ хасталик клиник белгиларсиз ёки енгил шаклда кечаётган беморлар саломатлигини назорат қилиш, уларга амбулатор ва уйига борган ҳолда сифатли тиббий хизмат кўрсатиш мақсадида кунлик кўрсаткичлар сезиларли даражада ошиб бораётган Тошкент шаҳрининг 12 та туманида 1 тадан махсус поликлиникалар фаолияти йўлга қўйилди.

Тиббий-санитария муассасалари ва хизмат кўрсатиш йўналиши яқин бўлган 4 та диспансер ҳамда 8 та оилавий поликлиника биносида иш бошлаган мазкур муассасалар аҳолига ҳар куни 24 соат давомида хизмат кўрсатади. Ҳар бир муассасага шифокорлар билан бир қаторда, тиббиёт олий ўқув юртларининг етакчи мутахассислари ҳам жалб қилинган.

Шунингдек, беморларга шошилинч тиббий ёрдам кўрсатиш мақсадида ушбу поликлиникалар рентген, кислород конденсаторлари, пульсоксиметр, экспресс-тест, зарур дори-дармонлар, сарфлов материаллари, дезинфекцияловчи эритмалар билан таъминланган.

Мурожаат қилган беморлар оғирлик даражасига кўра сараланиб, аҳволи енгил фуқароларга уйда даволанишлари учун зарур тавсия ва коронавирусга қарши дори-дармонлар бўлган "COVID-box"лар берилади. Беморнинг аҳволи оғир бўлса, зудлик билан махсус шифохонага юборилади.

Бундан ташқари, коронавирус касаллигига қарши эмлаш ишларини самарали олиб бориш мақсадида пойтахтимиздаги 12 та кўп тармоқли ва 66 та оилавий поликлиникаларда махсус мобиль бригадалар фаолияти ҳам йўлга қўйилди.

Шарҳлар

Ўзбекистонда коронавирусдан кунлик касалланиш бироз пасайди — ССВ

18.01.2022, 10:46

Кунлик касалланишлар бироз пасайди: Кеча юртимизда 930 нафардан зиёд кишида коронавирус инфекцияси аниқланди, дея хабар бермоқда ССВ Матбуот хизмати. Маълум қилинишича, 2022 йил 17 январь ҳолатига...
Ҳиндистон "омикрон" штамига қарши махсус вакцина яратади

17.01.2022, 21:54

Ҳиндистоннинг Gennova Biopharmaceuticals фармацевтика компанияси "омикрон" штамига қарши махсус вакцинани яратмоқчи. Бу ҳақда Reuters хабар бермоқда. Қайд этилишича, препарат ишлаб чиқарувчилари 2021 йил охирида ўтказилган синовларнинг...
Дунёда коронавирус юқтириш ҳолатлари сони 320 миллиондан ошди

15.01.2022, 11:54

Дунё бўйича коронавирус юқтириш ҳолатлари сони 323 млн 272 мингдан ошди. Бу ҳақда Worldometers хабар бермоқда.Пандемия бошланганидан буён 5 миллион 529 минг 154 киши вафот...
АҚШ ҳарбий шифокорлари коронавируснинг барча турларига қарши вакцина яратмоқчи

15.01.2022, 10:59

АҚШ ҳарбий шифокорлари коронавирусга қарши янги вакцинанинг клиник синовларининг биринчи босқичи муваффақиятли ўтганини эълон қилишди. Бу ҳақда BBC хабар берди. Қайд этилишича, Уолтер Рид номидаги Миллий...
Кун мавзуси: коронавирус
Об-ҳаво: Ташкент
Валюта курси