Швеция ҳукумати вакцина паспортларини, жамоат жойларида йиғилишларни чеклаш ва бар ҳамда кафеларда иш вақтини қисқартиришни бекор қилди. Бу ҳақда Associated Press хабар бермоқда.
Қайд этилишича, 12 ва ундан катта ёшдагилар коронавирусга қарши эмланиши керак. Касаллик белгилари бўлганлар уйда қолишлари ва эмланмаган ёши катта аҳоли вакиллари кўпчиликни ташкил этадиган тадбирларга бормасликлари шарт.
Чоршанба кунидан бошлаб фақат тиббиёт ва ижтимоий ходимлар ҳамда энг заиф одамлар касаллик аломатлари пайдо бўлса, бепул тестдан ўтишлари мумкин.
Worldometers хабарига кўра, пандемия даврида Швецияда 2,3 миллиондан ортиқ коронавирус инфекцияси аниқланган. 16,2 мингдан ортиқ касалланганлар вафот этган.
