Айнан шу антициклон охирги пайтларда жанубдан тинмай ривожланаётган ёмғирли жанубий циклонлар фаоллигига ''чек қўяди''.
Бу ҳақда "Ўзгидромет" етакчи мутахассиси Эркин Абдулаҳатов хабар берди.
Қайд этилишича, келаётган 4-5 кунликда Россия шарқи ва Урал-Волгабўйи ҳудудларида ҳам аномал совуқлар қайд этилади.
Россияда келаётган ҳафта охирларида антициклонлар бирлашиб яхлит ''Сибир антициклонини'' ҳосил қилади.
14-17 март "Казгидромет" ҳам шу антициклон таъсирида Қозоғистон шимоли-ғарбида ҳаво ҳарорати минимумлари -17 -28 даражагача совуқ бўлишини прогноз қилмоқда.
"Антициклон чет қисми келаётган дам олиш кунлари Ўзбекистон об-ҳавосини белгилайди. Бир мунча совуқ, жуда катта ҳудудларда ёғингарчиликсиз кун бўлади. Айнан шу антициклон охирги пайтларда жанубдан тинмай ривожланаётган ёмғирли жанубий циклонлар фаоллигига ''чек қўяди'' ",-дейилади хабарда.
Маълумот учун, келаётган март ойининг учунчи ўн кунлиги ёғингарчиликларсиз ўтиши мумкинлиги тахмин қилинмоқда.
