Ҳаваскорлар боксида барча совринларни қўлга киритган ҳамюртимиз Баҳодир Жалолов айни вақтда проф боксда рингга кўтарилмоқда. У шу кунгача профессионал боксда 9та жанг ўтказиб, уларнинг барчасида ғалаба қозонган. Бугун Баҳодир Дубайда ўзининг навбатдаги жангини ўтказади.
Пробеллум Дубаи мусобақасида ҳамюртимизга полшалик боксчи Камил Соколовски (11-24-2, 4 КО) рақиблик қилади.
Кеча боксчилар жанг олдидан тарозидан ўтишди ва кўз уриштириш маросимида қатнашди. Aйни пайтда Жалоловнинг оғирлиги 116 килони ташкил етаётган бўлса, Соколовскининг вазни 109 кило чиқди.
Жанг Тошкент вақти билан 20:00дан кейин бўлиб ўтиши режалаштирилган.
