Бир неча дақиқалардан сўнг Тошкент халқаро инвестиция форуми бошланади. Айни дамда форумга меҳмонлар ташриф буюрмоқда. "Darakchi" жамоаси бу форумдан тўғридан-тўғри хабар бермоқда.
Эслатиб ўтамиз, бугун Шавкат Мирзиёев мазкур форумда иштирок этади. Бу ҳақда бир муддат аввал маълум қилгандик .
Шунингдек, биринчи Тошкент халқаро инвестиция форумининг ялпи сессиясида Шавкат Мирзиёв нутқ сўзлаши кутилмоқда.
Маълумот учун, бўлиб ўтиши кутилаётган ушбу 3 кунлик анжуманда дунёнинг 56 мамлакатидан 1,5 минг нафардан ортиқ киши қатнашиш истагини билдирган.
Тадбирда, шу жумладан, ЕТТБ президенти Одиль-Рено Бассо, Осиё тараққиёт банки президенти Масацугу Асакава, Саудия Арабистони подшоҳлиги инвестициялар вазири Холид ал-Фалиҳ, Жаҳон савдо ташкилоти вице-президенти Сянчен Чжан, Осиё инфратузилмавий инвестициялар банки вице-президенти Константин Лимитовский, Халқаро молия корпорацияси вице-президенти Стефани фон Фридербург ҳам қатнашади.
Президент иштирокидаги сессияда BBC World News халқаро телеканалида янгиликлар бошловчиси сифатида танилган, ҳозирда эса Европа тикланиш ва тараққиёт банкининг коммуникация масалалари бўйича директори лавозимида фаолият юритаётган Жонатан Чарльз модераторлик қилади.
