Шу кунгача Тошкент вилояти ҳокимининг биринчи ўринбосари лавозимида ишлаб келган Исломжон Эргашхўжаев вилоят ҳокими вазифасини бажарувчи этиб тайинланди. Бу ҳақда Ўзбекистон ҳукумати портали хабар бермоқда.
“Ўзбекистон Конституциясининг 93-моддаси 15-банди ва 102-моддаси ҳамда Ўзбекистон Президентининг 12 августдаги фармонига мувофиқ Исломжон Эргашхўжаев Тошкент вилояти ҳокими вазифасини бажарувчи этиб тайинланди”, — дейилади ҳукумат ахборотида.
Маълумот учун, Тошкент вилояти ҳокими Содиқ Абдуллаев Ўзбекистон Президентининг 12 августдаги бошқа бир қарори билан лавозимидан озод этилди.
