Россиянинг Ставрополь шаҳрида яшовчи 25 ёшли фуқаро маҳаллий аҳоли вакилларидан бири бўлган вояга етмаган қизга уйланиш ниятида ўғирлаганликда айбланмоқда, деб ёзади “Tjournal”.
Йигит 16 ёшли қизга уйланиш мақсадида Сочи шаҳрига олиб кетган. Орадан бир ҳафта ўтгач, қизнинг қариндошлари полиция ёрдамида уни топади ва уйга қайтаради. Ҳуқуқ-тартибот органлари ходимлари қизнинг мажбуран, унинг ихтиёрига зид равишда олиб кетилгани яъни ўғирланганини аниқлаган.
Ҳозирда қизни ўғирлаган шахс унга жисмоний зарар етказгани ҳолати мавжудлиги ёки йўқлиги текширилмоқда. “Одам ўғирлаш” моддаси бўйича жиноий иш очилган. Бу модда билан айбланганлар эса 12 йил муддатга озодликдан маҳрум этилиши мумкин.
