Му5
4

Фарзандингизнинг суратини ижтимоий тармоққа жойлаштирмаслик маъқуллигининг 7 жиддий сабаби

СУҒДИЁНА 03.10.2016, 12:26
Теглар: Фото, Фарзанд, Ота-она, Бола
3632
Фарзандингизнинг суратини ижтимоий тармоққа жойлаштирмаслик маъқуллигининг  7 жиддий сабаби

Баъзи ота-оналар фарзандининг чиройлилигини, ақллилигини кўз-кўз қилиш учун уларнинг суратларини ижтимоий тармоққа жойлаштиришни ёқтиришади. Аммо улар айнан ижтимоий тармоқда фарзандлдарига хавф туғдирувчи одамлар мавжудиги ҳақида ўйлаб кўришмайди, деб хабар беради “Аdme.ru” нашри.

Бу билан фарзандларингизни яширишга ҳаракат қилинг, деган фикрдан йироқмиз. Аммо ҳамма нарсада меъёр бўлгани яхши. Қуйида бундай хатардан болангизни асрашнинг 7 жиддий сабаби билан таништирамиз. 

Суратларга геолокация қўйманг

Фарзандингиз асосий вақтини ўтказадиган — мактаб, спорт зал, тўгарак номини, жойини ошкор этманг. Ёмон одамлар бундан ўз мақсадлари йўлида фойдаланишлари мумкин.

Боланинг қизиқишлари акс этган суратларни жойлаштирманг

Болангизнинг нимага қизиқишини билган одам уни осонгина, дуч келган жойда, ҳар қандай вазиятда бундан унумли фойдаланган ҳолда алдаши мумкин.

Бола ҳақида расмий маълумотлар мавжуд бўлган барча суратларни олиб ташланг

Бу сизга ғалати туюлиши мумкин. Бироқ шундай одамлар борки, улар ижтимоий тармоқда боласига олган визаси, паспорти ва бошқа ҳужжатлари билан мақтаниб, уларнинг суратларини жойлаштиришади. Ҳужжатда боланинг исми-шарифи, у ҳақдаги маълумотлар аниқ кўрсатилгани боис, унинг қаерда яшаши ва қайси мактабда ўқишини билиб олиш осон бўлади.

Боланинг машина ёнида тушган суратини қўйманг

Бу маълумот нафақат бола учун, балки ота-оналар учун ҳам хавф туғдиради. Жиноятчиларга ўзингиз ҳақингизда ҳам тўлиқ маълумот беришингиз мумкин.

Боланинг ярим яланғоч суратини жойлаштирманг

Бундай суратлар сиз ва яқинларингиз учун қанчалик кулгили ва самимий туюлмасин, баъзилар унга батамом бошқа томондан назар ташлашлари мумкин.

Келажакда болангизнинг уялишига сабаб бўладиган суратларни қўйманг

Шубҳасиз, бундай суратлар барчамизда мавжуд. Болалигимизда ижтимоий тармоқлар мавжуд бўлмагани боис, уларни фақатгина яқинларимиз томоша қилиш имкониятига эга бўлган. Бизнинг болаларимиз эса бундай хавфдан ҳимоя қилинмаган. Уларнинг бундай суратини ижтимоий тармоққа жойлаштириш келажакда уларнинг қизаришига, уялишига сабаб бўлиши мумкин.

Фарзандингизнинг бошқа болалар билан тушган суратини қўйманг

Бундай суратларни ижтимоий тармоққа жойлаштиришдан илгари фарзандингиз билан суратга тушган болаларнинг ота-онаси қарши бўлмаслиги ҳақида ўйлаб кўринг. Ахир бу ишингиз билан бошқа болаларнинг жавобгарлигини ҳам ўз бўйнингизга оласиз.

Фарзандингизнинг суратини ижтимоий тармоққа жойлаштиришдан олдин уни нафақат дўстларингиз, яқинларингиз кўришини, балки ҳар қандай ёвузли ниятли одам ундан ғаразли мақсадларда фойдаланиши мумкинлиги, болангизнинг хавфсизлиги ҳақида ўйлаб кўринг. Фарзандингизни ёмон кўзлардан, ёмон ниятли одамлардан асранг!

Шарҳлар

Хоразмда “Шамол генератори” ишлаб чиқарилади

22.01.2020, 18:06

Муқобил энергия манбаларидан фойдаланиш тарихан жуда узоқ даврларга бориб тақалади. Қадимдан қуёш ва шамол энергетикасидан маълум даражада инсоният ўз яшаш турмуш тарзида фойдаланиб келган. Масалан...
Қорақалпоғистон Республикасида Ватан ҳимоячилари куни байрамининг ёрқин лаҳзалари (Фоторепортаж)

14.01.2020, 20:17

Бугун, 14 январь куни Бердақ номидаги Қорақалпоқ давлат академик мусиқали театрида Ватан ҳимоячилари куни ҳамда Ўзбекистон Қуролли Кучлари ташкил этилганининг 28 йиллиги байрам тадбири бўлиб ўтди. Тадбирда...
Нукусдаги фестивалда ҳарбийларнинг чиқишлари, ёшлар билан қувноқ баҳслар, қурол, ҳарбий техникалар кўргазмаси ва бошқалар намойиш этилди (Фото)

14.01.2020, 18:07

Ватанпарварлик ойлиги доирасида барча ҳудудларда бўлгани каби Қорақалпоғистон Республикасида ҳам ватанпарварлик фестиваллари орқали Ватан ҳимоячилари куни айёми умумхалқ байрами сифатида халқимиз билан бирга ўтказиляпти.Нукус шаҳри...
Австралия табиий офат исканжасида (Фото)

07.01.2020, 12:29

2019 йилнинг октябрь ойларида ҳаво ҳароратининг исиб кетиши оқибатида Австралиянинг шарқий ҳудудларида бошланган ўрмон ёнғинлари ҳозирда Янги жанубий Уэлс ва Виктория штатларининг жанубий-шарқий қисм ҳудудларигача...
Кун мавзуси: Фото
Об-ҳаво: Ташкент
+-1° небольшой снег
Валюта курси
9547.05
USD -3.71
10585.77
EUR -34.68
155.06
RUB -1.53
rightuz