Sevimli

Чиқиндиларни йиғиш борасида замонавий GPS-мониторинг ва биллинг тизими жорий қилинади

ЖАМИЯТ 19.10.2016, 11:30
Теглар: Тошкент
Чиқиндиларни йиғиш борасида замонавий GPS-мониторинг ва биллинг тизими жорий қилинади

Пойтахтимиз Тошкент дунёдаги энг тоза шаҳарлардан биридир.  Мамлакатимиз  Биринчи Президенти Ислом Каримовнинг 2014 йил 31 октябрдаги «Осиё тараққиёт банки иштирокида «Қаттиқ маиший чиқиндиларни бошқариш» лойиҳасини амалга ошириш чора-тадбирлари тўғрисида»ги қарорига мувофиқ, пойтахтимизда қаттиқ маиший чиқиндиларни йиғиш ва утилизация қилиш бўйича самарали тизим фаолияти йўлга қўйилган. Қаттиқ маиший чиқиндиларни саралаш ва қайта ишлаш борасида замонавий усуллар, жумладан, GPS-мониторинг ва янги биллинг тизим амалиётга жорий қилинмоқда. 

Тошкент шаҳар ҳокимлигининг коммунал хўжалиги ҳудудий бошқармаси ҳузуридаги “Махсустранс” ишлаб чиқариш бошқармаси чиқиндиларни йиғиш, утилизация қилиш ва пойтахтимиз санитария-гигиена ҳолатини яхшилашга қаратилган изчил ишларни амалга оширмоқда. Бошқарма таркибида 11 туман автотранспорт корхонаси, чиқиндиларни юклаш станцияси ҳамда махсус автомобилларга сервис хизмати кўрсатиш ва уларни жорий таъмирлаш бўйича “Махсустранс таъмир хизмати” корхонаси  фаолият кўрсатмоқда. 

 – Ҳар йили Тошкент шаҳрида махсус чиқинди автотранспортлари ёрдамида 600 минг тоннадан ортиқ қаттиқ маиший чиқинди йиғилади, – дейди “Махсустранс” ишлаб чиқариш бошқармаси бошлиғининг ўринбосари И.Саъдуллаев ЎзАга берган интервьюсида. – Чиқиндилар бир неча саралаш босқичидан ўтказилади. Ҳар бир босқичда кейинчалик қайта ишлашга яроқли барча материаллар саралаб олинади. Олинган хомашё қайта ишлаш заводларига жўнатилади ва кейинчалик ишлаб чиқаришда қўлланилади. Жараён якунида фақат чиқиндилар утилизация қилинади. Мазкур тизимнинг самарали ишлаши санитария-эпидемиология ҳолати барқарорлигини таъминлашга хизмат қилади. 

Қаттиқ маиший чиқиндиларни йиғадиган ва транспортировка қиладиган замонавий  махсус машиналар мамлакатимизда ишлаб чиқарилаётгани бунда муҳим аҳамият касб этмоқда. Айни пайтда Тошкент шаҳридаги туман автотранспорт корхоналари фойдаланаётган 371 махсус автомобилнинг 153 таси  “MAN” ва “Isuzu” машиналаридир.

Ҳар бир машина учун  махсус  йўналиш  белгиланган бўлиб, уларнинг ҳаракатланиши GPS-мониторинг тизими ёрдамида мунтазам текшириб турилади. Қаттиқ маиший чиқиндиларни тўплаш учун тўловлар қабул қилиш бўйича биллинг тизими жорий қилинган. 

Аҳоли сони кўпайиб, фаровонлик юксалиб бораётгани туфайли қаттиқ маиший чиқинди ҳажми ҳам ортиб бормоқда. Ҳар куни икки минг тоннага яқин чиқинди тўпланмоқда. Шаҳарда  барқарор санитария-эпидемиология ҳолатини сақлаш  мақсадида  янги пункт ва модуллар қурилмоқда.  Жорий йилда  қаттиқ маиший чиқиндилар тўплаш бўйича 270  майдонча барпо этилди, 20 модул ва янги 250  чиқинди контейнери ўрнатилди.

Шарҳлар

Тошкент шаҳрида ўтказиладиган U-22 Осиё чемпионатининг янги санаси маълум қилинди

21.11.2021, 17:05

шу йил Тошкент шаҳрида 22 ёшгача бўлган боксчилар ўртасида Осиё чемпионати ўтказилиши ҳақида хабар қилгандик. Бу ҳақда Ўзбекистон бокс федерацияси матбуот хизмати хабар берди. Аммо, маълум...
Тошкентда кир ювиш кукунларини қўлбола усулда тайёрлаб сотаётган цех фош этилди

10.11.2021, 18:36

Бош прокуратура ҳузуридаги Департаментнинг Учтепа туман бўлими томонидан “The Procter & Gamble” компанияси ишончли вакилининг мурожаатига асосан ўтказилган тезкор тадбирда, ЯТТ “С.Х.” тегишли ҳужжатлари бўлмаган...
Тошкентда Президент соврини учун халқаро шахмат турнири ўтказилади

06.11.2021, 22:06

Ўзбекистон Республикаси Президентининг 2021-йил 14-январдаги “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги қарорида 2021-йилдан бошлаб ҳар йили анъанавий тарзда Тошкент...
Тошкентда бўлиб ўтадиган ёшлар ўртасидаги Осиё чемпионатининг барча иштирокчилари маълум бўлди

02.11.2021, 23:54

2022 йилда Тошкентда 23 ёшгача бўлган футболчилар ўртасида Осиё чемпионати бўлиб ўтади. Хабарингиз бор, мазкур чемпионат олдидан саралаш беллашувлари ўтказилди. Тошкент мезбонлик қилган баҳсларда Тимур Кападзе...
Кун мавзуси: коронавирус
Об-ҳаво: Ташкент
Валюта курси