Туркиялик таниқли актёр Мурат Йилдиримнинг марокашлик гўзаллик танлови ғолибасига уйланаётгани ҳақида хабар берган эдик. Актёрнинг мухлислари учун кутилган тўй тантанаси келин Имане Эльбанининг ватани Марокаш пойтахти Рабат шаҳридан 25 километр узоқликда жойлашган Сухейрат қишлоғида бўлиб ўтди. Бу ҳақда “1news.az” хабар бермоқда.
Эслатиб ўтамиз, Мурат Йилдирим ва Имане Эльбанининг президент Ражаб Тойиб Эрдўғон кўмагидаги биринчи тўйи 2016 йил декабрь ойида бўлиб ўтган эди. Тўй маросимида келиннинг кўп сонли қариндошлари иштирок эта олмагани учун жуфтлик тўйни Марокашда ҳам ўтказишга қарор қилди.
Юлдузли жуфтликнинг тўйи қандай бўлиб ўтгани ҳақида қуйидаги суратлардан маълумот олишингиз мумкин.
