Қозоғистоннинг Ақтобе шаҳар полицияси ва прокуратураси майда ўғирликларнинг олдини олиш мақсадида шаҳарда чўнтаккесарлик билан шуғулланувчи жиноятчиларнинг расмларини автобус салонларига илди, деб хабар берди “Тvzvezda.ru” нашри.
Шундан кейин маҳаллий лўлиларнинг барони лўли аёлларининг хунук суратлари илинганидан норози бўлиб, суратларни плакатдан олиб ташлашни полициядан талаб қилди. У бундай хунук суратлар “лўлиларнинг имижи”га салбий таъсир кўрсатишини таъкидлади. Полиция унинг талабини рад этди.
Чўнтаккесар ўғриларнинг суратлари Ақтобе шаҳрининг 300 та жамоат жойига илинган. Ҳуқуқ-тартибот идоралари ходимларининг сўзларига қараганда, суратлар илингандан кейин шаҳар жамоатчилик транспортларида бир қанча жиноятлар иссиқ изидан очилган.
