Британиянинг Daily Mail нашри илгари ҳеч кимга маълум бўлмаган Мэрилин Монронинг фотосуратларини чоп этди, деб хабар берди “Тvzvezda.ru” нашри.
Суратларда актрисанинг фильмдаги партнёри бўлган Ив Монтандан ҳомиладорлик пайти акс этган. Фотосурат 1960 йилда Нью-Йоркда Монронинг яқин дугонаси бўлган Фрида Халл томонидан суратга олинган. Мэрилин Монро вафот этгандан кейин унга тегишли барча фотосуратлар Голливудда ўтказилган аукционда Тони Майклс томонидан 2240 долларга сотиб олинган эди. Майклснинг айтишича, Монро фарзандини йўқотишдан қўрқиб, ҳомиладорлигини яширган. Актриса эндометриоздан азият чекканлиги туфайли тўрт маротаба ҳомиласи тушиб қолган ва у фарзанд кўра олмаган. Мазкур суратда унинг тўртинчи маротаба ҳомиладорлигини кўриш мумкин.
