10 февраль куни Президент Шавкат Мирзиёев Сурхондарё вилоятига сафари чоғида Ангор туманидаги Занг гиламбоб қишлоғида Шоди бобо Хушбоқов ва унинг умр йўлдоши Саломат момо билан оиланинг кундалик ҳаёти, фарзандлар ва набиралар тарбияси тўғрисида суҳбатлашгани ҳақида аввалроқ хабар бергандик.
Куни кеча ижтимоий тармоқларда Президент томонидан Шоди бобога Captiva совға қилинганлиги ҳақидаги хабарлар тарқалди.
Мазкур хабар ва интернетда тарқалган суратларга ойдинлик киритиш мақсадида Ҳукуматдаги манбаларимиз билан боғландик. Darakchi.uz нашрига Президент томонидан Шоди бобога Captiva совға қилганлиги ҳақидаги хабарлар тасдиқланди.
Шавкат Мирзиёев ушбу оила билан сухбати чоғида “Сиз каби кўпни кўрган, юзидан нур ёғилиб турган отахон ва онахонлар жамиятимизнинг мустаҳкам замини, юртимизнинг файзу баракасидир”, деган сўзларни айтганди.
