Ижтимоий тармоқларда 13 март, душанба куни Тошкентнинг Юнусобод туманида содир бўлган ЙТҲ суратлари тарқалди.
Суратларда Malibu автомобилининг йўл четидаги дарахтга зарб билан урилиши оқибатида мажағланганини кўриш мумкин. Гувоҳларнинг айтишича, Юнусобод тумани 19 даҳасида юз берган мазкур ЙТҲ Lacetti автомобили ҳайдовчисининг айби билан содир бўлган. Айнан Lacetti Malibu`ни сиқиб қўйган, оқибатда эса автомобиль йўл четидаги ариқдан ошиб ўтиб, дарахтга урилган.
Ижтимоий тармоқлар фойдаланувчиларининг тахминига кўра, Malibu автомобили “мойка”да қолдирилган. Мойкачилардан бири автомобилда “айланиб келмоқчи” бўлган ва йўл-транспорт ҳодисасига учраган.
Гувоҳларнинг сўзларига кўра, йўл-транспорт ҳодисаси оқибатида ҳеч ким жабрланмаган.
