Ўзбек ёшлари орасида шуҳрат қозонган “Божалар” гуруҳи хонандалари билан 2009 йилда содир бўлган мудҳиш ходиса бир инсоннинг ёш умрига завол бўлганди.
Гуруҳ хонандаси Мўмин Орипов ушбу бахтсиз ҳодиса сабабли 25 ёшида ҳаётдан кўз юмган. Мазкур нохуш воқеа 28 дан 29 июнга ўтар кечаси Сурхондарё вилоятида бўлган. Бугун у тирик бўлганида 33 ёшни қарши олган бўларди... У орамизда йўқлигига ҳам 8 йил бўлибди.
Ушбу сана муносабати билан Камола Орипова турмуш ўртоғини ёдга олди:
“2005 феврал ойлари эди. “Божалар” гуруҳи кунига иккита сеансдан Тошкент шаҳар ИИББнинг залида дўстлари билан биргаликда концерт беришганди. Дўстлари орасида Шоҳруҳхон, МcShod, мr.Jocker ва Афруз гуруҳи бор эди. Ҳар куни уларни кўришга борар эдим, лекин ҳали Мўмин акам билан орамизда фақат дўстлик эди. Обед олиб борармидим. Концерт тугаса сахнани орқасига чақириб олар эдилар, жуда ҳам самимий инсон эдилар... Ҳаётимдаги энг бахтли дамларимни ҳеч нарса билан қиёслаб булмайди, бу дамлар эса Мўмин акам билан боғлиқ. Оҳиратлари обод булсин...”
Дарҳақиқат ҳаёт бешавқат, Яратган қачон кимни орамиздан олиб кетишини ҳеч биримиз билмаймиз. Шундай экан яқинларимизни эъзозлайлик. Марҳумларнинг руҳлари шод бўлсин!
