Ёшгина қизлар ўз тасаввурларидаги гўзалликка эришиш учун нималар қилмайди, дейсиз. Гўзаллик ортидан қувган қизларнинг аксарияти ҳатто саломатликларини ҳам хавф остига қўяди. Россиянинг Ростов-на-Дону шаҳрида яшовчи 19 ёшли қиз ҳам лабларини чангютгич ёрдамида катталаштирмоқчи бўлиб, шифохонага тушишига бир бахя қолди.
Ростовлик қиз чангютгич трубасини лабларига бир дақиқа қўйиб турди. Кучли оғриқни сезганидагина у техникани электрдан узди. Натижа қиз кутгандек бўлмади. Лаблари шишиб кетганини кўрагн қиз тез ёрдам чақирди. Шифокорлар қизни шифохонага олиб кетмоқчи бўлди, бироқ у бундан бош тортди.
