Ўзбекистон халқ артисти Озодбек Назарбеков бугун, 22 апрель куни иккинчи қизи Лайлонинг тўйи муносабати билан ош берди.
Ош дастурхони пойтахтдаги “Наврўз” ресторанида ёзилган. Санъаткорнинг ҳамкасблари, ўзбек санъатининг таниқли вакиллари тўйда меҳмон бўлди. Ўзбекистон халқ артисти Фарруҳ Зокиров, Ёдгор Саъдиев, Обид Асомов, хонандалар Ботир Қодиров, Илҳом Фармонов, Оғабек Собиров, Анвар Собиров, Тўлқин Жабборов, Илҳом Иброҳимов, “Сурхон” гуруҳи хонандалари ва бошқалар Озодбек Назарбековнинг қувончли кунида ёнида бўлишди.
Озодбек Назарбековнинг иккинчи қизи Лайло бу йил 19 ёшни қарши олади. Хонанда ўзининг интервьюларидани бирида қизи хеч кимга ўхшамаслигини, жудаям оғир ва босиқ эканлигини айтиб ўтганди.
Фурсатдан фойдаланиб, Darakchi.uz таҳририяти номидан икки ёшга бахт-саодат тилаб қоламиз!
