Хонанда Лола бундан бир неча кун аввал ўзининг ижтимоий тармоқлардаги саҳифаларига қўйган сурати мухлислар ўртасида шов-шувларга сабаб бўлди.
Унаштирув патирлари акс эттирилган суратларни ҳар ким турлича талқин қилди. Кимдир Лолани турмушга чиқаётгани билан табрикласа, яна кимдир бу Лоланинг эмас, синглисининг унаштируви эканлигини таъкидлади.
Лола бугун мана шу миш-мишларга чек қўйди ва Instagram`даги саҳифасига синглиси Асалнинг келинлик либосидаги суратини жойлади. Демак, Лоланинг хонадонида яқин кунларда карнай-сурнай садолари жаранглайди. Хонанданинг 19 ёшли синглиси Асал турмушга чиқмоқда.
Маълумот учун, Лоланинг синглиси Асал Москва давлат халқаро алоқалар инстутида таҳсил олади. Асал Лоланинг "Love me" ва "Super love" клипларида суратга тушган.
