my5
Sevimli

​“Ўзбеккино” мажбуриятларига совуққонлик билан қараган раҳбарларга жиддий интизомий чоралар кўрди

ЖАМИЯТ 04.05.2017, 13:46
Теглар: Кино, Фильм
​“Ўзбеккино” мажбуриятларига совуққонлик билан қараган раҳбарларга жиддий интизомий чоралар кўрди

Куни кеча “Ўзбеккино” Миллий агентлигининг 2017 йил 1 чоракдаги фаолияти якунларига бағишланган кенгайтирилган йиғилиши бўлиб ўтди.

Агентлик Бош директори Атабек Мусаев раислигида ўтган йиғилишда Вазирлар Маҳкамаси масъул ходимлари, тизимдаги корхона-ташкилотлар ва ҳудудий бўлимларнинг раҳбарлари қатнашишди.

Йиғилишда муаммо ва камчиликларни агентлик тизимида кечиктирмасдан ва тезкор бартараф этиш, ижро интизомига сўзсиз риоя қилиш борасидаги вазифалар белгилаб олинди. Ўз лавозим мажбуриятларига совуққонлик билан қараган, ижро интизомига риоя қилиш борасида камчиликларга мунтазам йўл қўйган, жойларда давлат филмларининг тарғиботини амалга ошириш, аҳолига кинонамойишларни ташкил қилиш ишларига сидқидилган ёндашмаган бир қатор масъул раҳбарларга нисбатан жиддий интизомий чоралар кўрилди.

Шунингдек, мамлакатимизда кинематография санъатини ривожлантириш бўйича қўшимча чоралар кўриш, ишлаб чиқарилаётган филмларнинг бадиий-ғоявий савиясини ошириш, жойларда кинонамойишларни ташкил қилиш, “Ўзбекфилм” АЖ ва “Илмий-оммабоп ва ҳужжатли филмлар киностудияси” МЧЖнинг бино-иншоотларини реконструкция ва модернизация қилиш бўйича амалга оширилаётган ишларни жадаллаштириш каби устувор вазифалар келишиб олинди.

Ҳисобот даврида Ўзбекистон Республикаси Президентининг 2017 йил 7 февралдаги Фармони билан тасдиқланган Ҳаракатлар стратегиясининг 254-бандига асосан “Ўзбекистон Республикасида кинематография санъатини янада ривожлантириш чора-тадбирлари тўғрисида” Ўзбекистон Республикаси Президентининг қарори лойиҳаси ишлаб чиқилиб, белгиланган тартибда тегишли вазирлик-идоралар билан келишилгани ҳамда кўриб чиқиш учун Вазирлар Маҳкамасига киритилгани айтиб ўтилди.

Ушбу қарорга асосан агентлик ва унинг ҳудудий бўлимларининг янгиланган тузилмаларини ҳамда Ўзбекистон Республикасида миллий кинематография санъатини янада ривожлантириш бўйича чора-тадбирлар дастурини тасдиқлаш, “Ўзбекфилм” акциядорлик жамияти ва “Илмий-оммабоп ва ҳужжатли филмлар киностудияси” масъулияти чекланган жамиятини “Ўзбекфилм” ва “Ҳужжатли филмлар киностудияси” давлат унитар корхоналарига айлантириш, “Ўзбеккино” Миллий агентлиги қошида Миллий кинематографияни ривожлантириш жамғармасини ташкил қилиш каби бир қатор вазифаларни белгилаб қўйиш назарда тутилган.

Шарҳлар

ДХХнинг 30 йиллигига бағишлаб телеканалларда янги фильм намойиш этилади

26.09.2021, 14:30

Аввалроқ бугун ДХХ ходимларининг 30 йиллик тантанаси экани ҳақида хабар берган эдик. Киномотография агентлигининг қайд этишича, сана муносабати билан янги "Мустаҳкам" фильми ишлаб чиқилган. Маълумотга кўра, мазкур...
"Қалби ўзбек рус шоири" ҳужжатли фильми премьера қилинди

16.09.2021, 10:26

Куни кеча адиблар хиёбонида Ўзбекистон халқ шоири Александр Файнберг ҳақидаги "Қалби ўзбек рус шоири" ҳужжатли фильми премьера қилинди. Кинокартина Кинематография агентлиги буюртмасига биноан “Ҳужжатли ва хроникал...
“Соддадил” фильмининг съёмка жараёнлари бошланди

16.08.2021, 17:46

Кинематография агентлиги “Ёшлик” киностудияси томонидан “Дебют старт-2021” кинофестивалида ғолиб бўлган сценарий лойиҳалари асосида “Соддадил” қисқа метражли фильмининг съёмка жараёнлари бошланди.Бу ҳақда кинемотография агентлиги ахборот хизмати...
Франция: Энди киноларга ҳам махсус йўлланма билан киритилади

21.07.2021, 17:46

Франциядаги маданий ва кўнгилочар жойлар энди фақат рақамли вакцина олганлик ҳақидаги махсус паспорт эгалари учун  очиқдир, бу Президент Макрон томонидан мамлакатда универсал эмлашни таъминлашга қаратилган...
Кун мавзуси: коронавирус
Об-ҳаво: Ташкент
Валюта курси