my5
Sevimli

​Президент Шавкат Мирзиёев ташаббуси билан Мирзо Улуғбек туманида Бобур боғи очилди

ЖАМИЯТ 12.06.2017, 10:16
Теглар: Тошкент, Шавкат Мирзиёев, Президент
​Президент Шавкат Мирзиёев ташаббуси билан Мирзо Улуғбек туманида Бобур боғи очилди

Давлатимиз раҳбари Шавкат Мирзиёев ташаббуси билан Тошкент шаҳрининг Мирзо Улуғбек туманида янги боғ очилди. Унга буюк аждодимиз Заҳириддин Муҳаммад Бобур номи берилди.

10 июнь куни ушбу боғнинг тантанали очилиш маросими бўлди. Шу муносабат билан ушбу масканга турли вазирлик ва идоралар, ижодий ва жамоат ташкилотлари мутасаддилари, ёзувчи ва шоирлар, мамлакатимизда фаолият кўрсатаётган дипломатик корпус вакиллари, маҳалла фаоллари таклиф этилди, деб ёзади ЎзА.

Майдони 12 гектардан иборат бу экологик боғ ландшафт дизайни, сув ҳавзалари, спорт майдончалари махсус экологик архитектура-қурилиш талаблари асосида бунёд этилган. Боғда сокин ва осойишта муҳит ҳукмрон. Бу ердаги мавжуд қурилмалар соғлом турмуш тарзи ғоялари тарғиботига хизмат қилади. Очиқ тренажёр майдони, бадминтон, волейбол, теннис, футбол майдончалари, велосипед йўлакчаси, болалар ўйингоҳи кичкинтойлар, спортсевар ўғил-қизлар, Меҳрибонлик уйларининг тарбияланувчилари билан гавжум. Йога террасаси, болалар майдончаси, гулзор боққа бетакрорлик бағишлайди.

Боғнинг яна бир дарвозаси ёнидаги кумушранг айлана шаклидаги антиқа фавворани пойтахтимизнинг бошқа жойларида учратмайсиз. Бир қарашда серқуёш диёримизга ишорадек. Афсонавий ойнаижаҳонни эслатувчи бу фаввора тепасидан биллур тусли ёмғир ёғаётгандек. Томоша майдони пиллапояларидан тепага йўл олиб, ён-атрофдаги бетакрор манзарадан бемалол баҳра олиш мумкин. Боғ марказидаги мўъжаз оролча турли маданий-маърифий тадбирлар, ижодий учрашувлар ўтказишга мўлжалланган.

– Бу ернинг дизайн лойиҳаси эко-бионика услубида ишлаб чиқилган, – дейди "Design House" дизайн-студияси раҳбари Любовь Сафронова. – Ушбу методика декорацияларини ишлашда табиий шакллардан фойдаланишга асосланади. Боғдаги барча қурилмаларни, сув ҳавзаси соҳилларини, майдончаларни тайёрлашда экологик тоза қурилиш материаллари – тош, ёғоч, махсус металл симлар билан зирҳланган тошлардан кенг фойдаланилган.

Бобур номидаги Тошкент марказий эко боғининг очилиш маросимида Тошкент шаҳар ҳокими Р.Усмонов иштирок этди.

Шарҳлар

Президент ИҲТ аъзоси бўлган Афғонистондаги мураккаб вазиятга тўхталди

28.11.2021, 15:52

Аввал хабар берганимиздек, давлатимиз раҳбари ИҲТда нутқ сўзлади. Унда Президент ИҲТ аъзоси Афғонистондаги бугунги вазиятга ҳам алоҳида тўхталиб ўтди. Бу ҳақда Президент Матбуот хизмати хабар...
Президент Ашхобод шаҳрида ўтаётган Иқтисодий ҳамкорлик ташкилотининг 15-саммитида нутқ сўзлади

28.11.2021, 15:04

Президент Шавкат Мирзиёев Ашхобод шаҳрида ўтаётган Иқтисодий ҳамкорлик ташкилотининг 15-саммитида нутқ сўзламоқда. Бу ҳақда Президент Матбуот хизмати хабар берди.Давлатимиз раҳбари Президент Гурбангули Бердимуҳамедовга анжуманни юксак...
Ўзбекистон ва Тожикистон Президентлари шерикликни кенгайтириш масалаларини муҳокама қилишди

28.11.2021, 13:57

Ўзбекистон Республикаси Президенти Шавкат Мирзиёев бугун Ашхобод шаҳрида ўтаётган Иқтисодий ҳамкорлик ташкилоти саммити доирасида Тожикистон Республикаси Президенти Эмомали Раҳмон билан учрашув ўтказди. Бу ҳақда Президент...
Ўзбекистон ва Покистон етакчилари ўзаро манфаатли ҳамкорликни кенгайтириш масалаларини муҳокама қилдилар

25.11.2021, 23:20

Ўзбекистон Республикаси Президенти Шавкат Мирзиёев 25 ноябрь куни Покистон Ислом Республикаси Бош вазири Имрон Хон билан телефон орқали мулоқот қилди. Бу ҳақда Президент Матбуот хизмати...
Кун мавзуси: коронавирус
Об-ҳаво: Ташкент
Валюта курси