13

​“Тошкент-Аэро” божхона комплексида қиймати 1,7 млрд сўмлик дори ва тиббий буюмларнинг яширин олиб ўтилишига чек қўйилди

ЖАМИЯТ 20.06.2017, 15:40
Теглар: Аэропорт, Божхона, Дори
2255
​“Тошкент-Аэро” божхона комплексида қиймати 1,7 млрд сўмлик дори ва тиббий буюмларнинг яширин олиб ўтилишига чек қўйилди

Яқинда “Тошкент-Аэро” ихтисослаштирилган божхона комплекси ходимлари томонидан йирик миқдордаги дори воситалари ва тиббий буюмларни яширин йўллар билан оолиб кирилишига доир бир нечта божхона қоидабузарликларини олди олингани ҳақида хабар берди “Тошкент-Аэро” ИБК ахборот хизмати.

Жумладан, Ислом Каримов номидаги Тошкент халқаро аэропортида Москвадан учиб келган фуқаро Ж.Реймовга тегишли бўлган багаж божхона кўригидан ўтказилганда, унинг ичида, йўловчи божхона декларациясида кўрсатилмаган ва божхона ходимининг оғзаки сўровида тақдим қилинмаган 23 турдаги 3389 дона дори воситалари ва 4 турдаги 8 дона биологик актив қўшимчалар борлиги аниқланди.

Экспертиза хулосаларига кўра, мазкур дори воситалари Ўзбекистон Республикасида Тиббиёт амалиётида қўлланишга рухсат этилган дори воситалари Давлат реестрига киритилмаганлиги боис, уларни сотиш ва тиббиёт амалиётида қўллаш таъқиқланган. Биологик актив қўшимчалар эса тегишли сифат ва хавфсизлигини тасдиқловчи ҳужжатлари йўқлиги боис фойдаланиш учун яроқсиз деб топилди.

Ашёвий далил сифатида олинган мазкур дори воситалари ва биологик актив қўшимчаларнинг умумий баҳоси 84 млн. сўмдан ошар экан.

Ушбу ҳолат юзасидан фуқаро Ж.Реймовга нисбатан Ўзбекистон Республикаси Жиноят Кодексининг тегишли моддаси билан жиноят иши қўзғатилди.

“Истанбул-Тошкент” рейси бўйича паврозини якунлаган фуқаролар Г.Ашимова, Ч.Полвонова ҳамда Ж.Олтибоевлар ҳам божхоначиларнинг кўзини шамғалат қилиш мақсадида йўловчи божхона декларациясида ва божхона ходимининг оғзаки сўровлари пайтида маълум қилинмаган дори воситаларини багажлардаги болалар оёқ кийимлари қутилари орасига яширганча олиб кирмоқчи бўлишди.

Аммо, бу қинғир режа уларга наф бермади. Г.Ашимова 1000 дона, Ч.Полвонова салкам 1200 дона ва Ж.Олтибоев 1,5 минг донадан ортиқ конвалютада 3 турдаги дори воситаларини олиб киришга уринган пайтда тўхтатиб қолинди. Йўловчи божхона декларациясида кўрсатилмаган мазкур дори воситалари ва 30 жуфт болалар оёқ кийимларининг умумий қиймати эса салкам 148 млн. сўмни ташкил қилар экан.

Таъкидлаш жоизки, 2017 йилнинг дастлабки 5 ойи давомида республикамиз божхоначилари томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган 150 га яқин қонунбузарлик ҳолатларида қиймати 1,7 млрд сўмлик 107 минг донадан ортиқ дори воситалари ва тиббий буюмларнинг яширин олиб ўтилишига чек қўйилди.

Эслатиб ўтамиз, республикамизда жисмоний шахслар шахсий фойдаланиш учун турли номдаги 10 тагача дори препаратларидан иборат дори воситалари ва уларнинг ҳар бири учун 5 ўрамдан ортиқ бўлмаган дори воситалари, шунингдек 5 бирликдан ортиқ бўлмаган тиббий буюмларни олиб киришлари ёки олиб чиқишлари мумкин.


Бу жараёндаги энг муҳим талаблардан яна бири шундаки, божхона чегаралари орқали шахсий мақсадларда олиб ўтилаётган дори воситалари ва тиббий буюмлар ишлаб чиқарувчининг ўрамида бўлиши керак.

Шарҳлар

Фарғонада сифати кафолатланмаган газ ҳисоблагичлар фош этилди

21.12.2019, 11:46

Фарғона вилояти божхона бошкармаси Контрабанда ва божхона қонунчилиги бузилишига қарши курашиш бўлими ходимлари томонидан ўтказилган тезкор тадбир давомида фуқаро А.Д. бошқарувидаги “Форд  Транзит” русумли  юк...
«Cobalt»даги товарлар манзилига етиб бормади

18.12.2019, 14:01

Андижон вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан 45-сонли ЙПХ масканида “Cobalt” русумли автотранспорт воситаси тўхтатилиб  кўздан кечирилганида, унинг...
187 миллион сўмлик товарларнинг ноқонуний айланмасига чек қўйилди

18.12.2019, 08:52

Тошкент вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан ўтказилган тезкор тадбир давомида, фуқаро В.А. бошқарувидаги “ISUZU” русумли юк автотранспорт...
Хориждан кириб келаётган “ностандарт” тарозилар тўхтатиб қолинди

16.12.2019, 11:56

Давлат божхона қўмитаси Контрабанда ва божхона қонунчилиги бузилишига қарши курашиш бошқармаси ходимлари хориждан пойтахтимизда фаолият олиб бораётган масъулияти чекланган жамиятлардан бирининг номига келган тарозилар “Сирғали”...
Кун мавзуси: Фото
Об-ҳаво: Ташкент
+18° ясно
Валюта курси
9554.22
USD 21.48
10637.67
EUR 417.62
121.10
RUB 1.11