my5
Sevimli

​“Мафтунингман-2” фильмининг илк тизери эълон қилинди (Видео)

ШОУ-БИЗНЕС 05.07.2017, 15:41
Теглар: Видео, Фильм
​“Мафтунингман-2” фильмининг илк тизери эълон қилинди (Видео)

Гўзал ва жаннатмакон Ўзбекистон ҳақидаги чет эл мамлакатлари тасаввурини янгилаш, юртимизнинг бор чиройини дунёга кўрсатиш ва шу орқали хорижлик сайёҳларни ватанимизга чорлаш мақсадида “Dono Productions” кинокомпанияси ишчи номи “Мафтунингман-2” бўлган йирик кинолойиҳага қўл урилгани ҳақида аввалроқ хабар бергандик.

Фильм “Севгинатор”, “Ўзимдан ўзимгача”, “Дада” каби ўнлаб муваффақиятли фильмлар режиссёри Абдувоҳид Ғаниев томонидан суратга олинмоқда. Янги фильм ўзбек киносининг дурдоналаридан бири бўлган “Мафтунингман” (1958й.)нинг римейки ёки давоми эмас, балки Ўзбекистон бўйлаб иқтидорларни қидириб топишга йўналтирилган ғояни ўзида мужассам қилган.

Фильм сюжетига кўра франциялик ёш режиссёр Франсуа Ўзбекистондаги ҳамкасби таклифи билан юртимизга ташриф буюради. Ёш режиссёр Мурод айни меҳмон келиши арафасида янги фильм учун буюртма олган ва бутун Ўзбекистон бўйлаб истеъдодларни қидиришга отланган бўлади. Вақт тиғиз бўлгани учун Мурод меҳмонни, яъни Франсуани кастинг ўтказиш учун барча вилоятлар бўйлаб хизмат сафарига олиб кетади.

Айни шу сафар давомида Ўзбекистоннинг бор гўзалликлари француз режиссёри кўзи билан намоён бўлади. Азалий қадриятлар, урф-одатлар, ўзбекистонликларнинг турмуш тарзи содда ва тиниб-тинчимас Франсуанинг қизиқиш объектига айланади. Бойсун, Бухоро, Самарқанд, Хива, Фарғона водийси – хуллас юртимизнинг барча диққатга сазовор туристик объектлари бўйлаб сафар давом этади. Фильмда нафақат тарихий обидалар, балки маданий мерос – бухороча, хоразмча фольклор, фарғонача аския, рақслар жудаям қизиқарли услубда очиб берилади.

Хизмат сафари давомида улар республиканинг тўрт бурчагидан 4 нафар истеъдодларни топишади. Мусиқали комедия жанрида олинадиган фильмда 4 та қўшиқ (ҳар бир иқтидор ижросида), 1 та умумий қўшиқ (Ўзбекистон ҳақида, ўзбек, рус ва инглиз тилида, 4 киши томонидан) ижро этилади. Бундан ташқари 10 га яқин фольклор ижролари бор.

Фильмнинг тасвирга олиш ишлари 2017 йил май-июн ойларида Ўзбекистон Республикаси вилоятлари бўйлаб бўлиб ўтди. Айни пайтда Тошкент шаҳрида тасвирга олиш ишларининг якуний босқичи бўлиб ўтмоқда. Эътиборингизга фильмнинг илк тизерини ҳавола қиламиз


Шарҳлар

ДХХнинг 30 йиллигига бағишлаб телеканалларда янги фильм намойиш этилади

26.09.2021, 14:30

Аввалроқ бугун ДХХ ходимларининг 30 йиллик тантанаси экани ҳақида хабар берган эдик. Киномотография агентлигининг қайд этишича, сана муносабати билан янги "Мустаҳкам" фильми ишлаб чиқилган. Маълумотга кўра, мазкур...
"Қалби ўзбек рус шоири" ҳужжатли фильми премьера қилинди

16.09.2021, 10:26

Куни кеча адиблар хиёбонида Ўзбекистон халқ шоири Александр Файнберг ҳақидаги "Қалби ўзбек рус шоири" ҳужжатли фильми премьера қилинди. Кинокартина Кинематография агентлиги буюртмасига биноан “Ҳужжатли ва хроникал...
“Соддадил” фильмининг съёмка жараёнлари бошланди

16.08.2021, 17:46

Кинематография агентлиги “Ёшлик” киностудияси томонидан “Дебют старт-2021” кинофестивалида ғолиб бўлган сценарий лойиҳалари асосида “Соддадил” қисқа метражли фильмининг съёмка жараёнлари бошланди.Бу ҳақда кинемотография агентлиги ахборот хизмати...
Хоразмда эркак собиқ хотинини пичоқлаб ўлдирди, қайнонасини жароҳатлади (видео)

12.07.2021, 10:59

Хоразм вилояти Хонқа туманида 4 июль куни эркак жанжал сабаб собиқ хотинини ўлдириб қўйди. Бу ҳақда вилоят ИИБ Ахборот хизмати хабар берди. Маълум қилинишича, ҳодиса 3...