my5

​ЖАҲОНГИР АҲМЕДОВ: “МEН” БОШҚА ИЖОДКОРЛАРНИ ТАН ОЛМАЙМАН!”

МАДАНИЯТ 20.10.2017, 15:25
Теглар: Кино
6824
​ЖАҲОНГИР АҲМЕДОВ: “МEН” БОШҚА ИЖОДКОРЛАРНИ ТАН ОЛМАЙМАН!”

Кинорежиссёр Жаҳонгир Аҳмедов ўзбек киноси ва киноижодкорларга оид танқидий фикр-мулоҳазалари билан бўлишди.

Жаҳонгир Аҳмедов ўзининг "Инстаграм"даги саҳифасида бугун кинода фаолияти юритаётган ижодкорларнинг аксарияти ўзини ўйлаб ижод қилаётгани ва ўзларидан бошқа ижодкорни тан олмаётганликлари ҳақида ёзган.

Дарҳақиқат, бугун ўзбек киносида салмоқли кинолар қўл билан санарли даражада кам, шу сабаб режиссёрнинг ушбу мулоҳазаларини сайтимиз орқали чоп этишга қарор қилдик.

“Кино хақида кўрсатувлар ҳам, эшиттиришлар ҳам кўп хозир. Яқинда мени ҳам таклиф қилишди. Журналист саволни кескин қўйди: “Муоммо нимада сизнингча? Фақат олиб қочманг, борини, дилингиздагини гапиринг!” Яхши, унда эшитинг, фақат сиз ҳам айтганларимни кесиб ташламасдан беринг эфирга-дедимда гап бошладим. “Муоммо ҳаммамиз ўзимизни “ДАҲО” деб билишимизда! Катта авлод ҳам “даҳо”, ўрта авлод ҳам “даҳо”, кичик авлод эса “буюк”! Лекин Президент фильм сўраган пайтда узр сўрадик, “биз ҳали сизга кўрсатишга арзигулик фильм ярата олмадик” – дея! Устозлар ёшларни тан олишмайди, ёшлар эса қандайдир аламзада, ўзларига керагидан ортиқ баҳо бериб юборишган. Нима деб ўйлайсиз, "Ўзбеккино"да нега бош директор ўзгараверади? Чунки биз унга ишлашга бермаймиз. Устидан ёзамиз, остидан ёзамиз, кетмагунича қўймаймиз. Бошқа соҳадан бўлса, бу кинони тушунмайди деймиз, киночи бўлса , ўзини дунёқарашини ўтказяпти, қани ижод эркинлиги деймиз. Нега? Чунки ҳаммамиз энг яхшиси деб фақат ўзимизни тан оламиз! “Энг яхши раҳбар ким бўлиши мумкин? Албатта мен! Энг яхши режисёр ким? Сўзсиз мен! Энг яхши фильм ҳам меники! Энг яхши сенарий? Меники!!! Мен, мен, мен, мен!!! Шунинг учун ҳам “МEН” бошқа ижодкорларни тан олмайман, тўғрироғи тан ололмайман! Бу - мени “МEН”имга тўғри келмайди”.

Режиссёр кино соҳасида барча мусобақага киришиб кетганлигини, аммо бундан ҳеч кимга наф бўлмаётганлигини ҳам айтиб ўтган:

“Бир-биримизни писанд қилмаслик билан, бурчак-бурчакларда пичирлашиш билан нимага эришмоқчимиз? “Ким қандай фильмлар қилган, ўзбек киноси олдида кимнинг меҳнати кўпроқ, кимнининг фильми кассабоп” қабилидаги мусобақаларга киришишдан нима наф? Бундан ким ютади? Киноми? Халқми? Ёки бизми? Ҳеч ким. Зеро ҳаммасига олий ҳакам ВАҚТ ўз ҳукмини айтади. Шундай экан танқидни ҳам, олқишу-мақтовларни ҳам мухлисларга ва киношуносларга қолдирайлик. Зеро, яхши фильм қилганимизни бод-бод такрорлайвермасак ҳам, мухлислар буни билишади ва қадрлашади. Ёки аксинча, ёмонини ўзи ёмон дейди ва демоқда! Яна қолар гапни киношуносларимиз айтишар. Давлат, Президент кино соҳасига катта эътибор ва имкониятлар бериб, ишонаётган, халқ биздан катта фильмлар кутаётган бир пайтда, биз майда гаплар билан овора бўлиб юрганимиз аламли, ҳатто уятли!!!”

Шарҳлар

Янги фильм — Aнжелина Жоли ёвуз малика ролида (фото ва видео)

03.12.2020, 20:22

"Питер Пен ва Алисия мўъжизалар мамлакатида" (Қайтиш) фильмининг суратга олиш ишлари икки йил олдин тугаганлигига қарамай намойиш этилмаётган эди. Сабаби шу вақт ичида Бренд Чепман...
Ўзбекистонда кино прокати ривожлантирилади

01.11.2019, 09:57

Кеча, 31 октябрь куни "Ўзбеккино" Миллий агентлигида Вазирлар Маҳкамасининг давлат буюртмаси асосида ишлаб чиқарилган бадиий фильмларнинг рекламаси ҳамда телевидение, радио ва Интернет тармоқларидаги пиар-компанияси ташкил этиш...
Эргаш МЎМИНОВ: “Мени ҳануз “Масхарабоз” деб чақиришади

18.10.2019, 16:41

1970 йилда суратга олинган “Ҳинд киноси отаси” Раж Капурнинг “Менинг исмим — Масхарабоз фильми” ва масхарабозРажу образи кўп йиллар ўзбек томошабинларининг қалбини эгаллаб келди. Мустақилликнинг...
​РОССИЯЛИК КИНОИЖОДКОРЛАР ЎЗБЕКИСТОНДА ЯНГИ СЕРИАЛ СУРАТГА ОЛА БОШЛАДИ

13.10.2017, 09:41

Россиянинг НТВ телеканали янги “Юбилейный встречный” сериалини суратга олиш ишларини бошлади. Суратга олиш ишлари Ўзбекистондаги Кинематографияни ривожлантириш маркази кўмагида амалга оширилиб, марказ ижодкорларгаактёрлар кастингини ташкил...
Кун мавзуси: коронавирус
Об-ҳаво: Ташкент
+4° туман
Валюта курси
10427.38
USD 12.52
12473.23
EUR 128.5
137.48
RUB 0.79