Хабарингиз бор Тошкентнинг "Локомотив" клуби Осиё Чемпионлар лигаси плей-офф босқичида "Ал Қувайт" жамоасига қарши ўтказиладиган учрашувни "Пахтакор" стадионида ўтказади.
Юртимиздаги ноқулай об-ҳаво туфайли стадион қор билан қопланган. Бугун "Пахтакор" стадионини қордан тозалаш мақсадида ҳашар ўтказилмоқда. Бу ҳақда "Локомотив" клуби матбуот хизмати вакили Маъмур Мамадалиев твиттердаги саҳифасида хабар қолдирган.
Эслатиб ўтамиз, учрашув 8 феврал куни соат 15:00да “Пахтакор” стадионида бўлиб ўтади.
