Му5
4

ТОШКЕНТДА “ЦЕМЕНТ САНОАТИ ВА БОЗОРИ” XV ХАЛҚАРО КОНФЕРЕНЦИЯСИ БЎЛИБ ЎТМОҚДА

ИҚТИСОДИЁТ 21.11.2017, 17:20
1413
ТОШКЕНТДА “ЦЕМЕНТ САНОАТИ ВА БОЗОРИ” XV ХАЛҚАРО КОНФЕРЕНЦИЯСИ БЎЛИБ ЎТМОҚДА

“Ўзқурилишматериаллари” акциядорлик жамияти ва Россия Федерациясининг “Бизнес Цем” компанияси ҳамкорлигида ташкил этилган форумда Ўзбекистон, Россия, Хитой, Туркия, Буюк Британия, Германия, Италия, Испания, Дания, Австрия, Австралия, Арманистон, Ҳиндистон, Қозоғистон, Украина каби давлатлардан етакчи компания ва фирмалар вакиллари, мутахассислар иштирок этмоқда.

Конференцияда Ўзбекистон цемент саноатининг технологик линияларини модернизация қилиш, янги цемент заводлари қуришда энергия тежамкор ускуналардан фойдаланиш, цемент тайёрлаш жараёнида ис гази ажралиб чиқишини камайтириш мавзуларида маърузалар тингланди. 2018 йилда қуриб битказилиши режалаштирилган 4 та цемент заводини барпо этиш бўйича амалга оширилаётган чора-тадбирлар ҳақида маълумот берилди. Соҳага экологик тоза технологияларни жорий қилиш ва қўшма корхоналар ташкил этиш масалалари муҳокама қилинди.

Тадбирда дунёга машҳур “AUMUND”, “GeoCon GmbH”, “Refrotenik Cement GmbH”, “Haver&Boecker”, “Thyssenkrupp Industrial Solutions”, “FLSmidth A/S”, “Fundiciones Del Estanda”, “Dal Teknik Makina” каби бир қанча йирик компанияларнинг цемент саноати ускуналари кўргазмаси ташкил этилди.

Конференция доирасида хорижлик мутахассислар “Ўзқурилишматериаллари” акциядорлик жамияти таркибидаги ишлаб чиқариш корхоналари фаолияти билан танишади.

Пойтахтимизда еттинчи бор ўтказилаётган мазкур конференция мамлакатимиз цемент саноатини ҳар томонлама ривожлантириш, соҳага инвестиция жалб этиш орқали мавжуд ишлаб чиқариш ҳажми ва сифатини ошириш, тармоқни реконструкция ва модернизация қилишдаги ҳамкорлик истиқболларини белгилаб олишда муҳим ўрин тутади.

Шарҳлар

Кун мавзуси: Фото
Об-ҳаво: Ташкент
+-1° небольшой снег
Валюта курси
9547.05
USD -3.71
10585.77
EUR -34.68
155.06
RUB -1.53
rightuz