28-29 ноябрь кунлари Тошкентда “Замонлар чорраҳаси: ўтмишнинг буюк мероси-маърифатли келажак пойдевори” халқаро медиа-форуми бўлиб ўтади.
Тадбирда дунё илм-фан жамоатчилигининг еткачи вакиллари, музей, кутубхона, илмий институт ва бошқа халқаро ташкилотлар раҳбарлари, маҳаллий олим ҳамда экспертлар иштирок этишади.
Халқаро медиа-форумда “Ўзбекистон маданий мероси” медиа-лойиҳасининг “Шарқ ёзма ёдгорликлари дурдоналари” номли янги туркуми тақдимоти бўлиб ўтади.
- Тадбирнинг муҳим воқеаларидан бири бу, асл нусхалари Россия Фанлар академиясининг Шарқ қўлёзмалари институти ҳамда Франция миллий кутубхонасида сақланаётган, ўзига хос технологиялар асосида, қўл меҳнатидан фойдаланган ҳолда, махсус қоғоз ва ҳақиқий олтиндан тайёрланган бебаҳо қадимий қўлёзмаларнинг факсимиле нусхаларини Ўзбекистон ҳукуматига тантанали топшириш маросимидир.
Ушбу маросимда:
- “Катта Лангар” Қуръони;
- “Девони Ҳусайни”;
- “Поклик боғи”;
- “Темур тузуклари”,
Қўлёзмалари Ўзбекистон ҳукумати вакилларига топширилади.
- Бундан ташқари тадбир давомида ҳужжатли фильмлар тақдимоти ҳам ўтказилади. Ҳамда китоб-альбомларни мамлакатимиз ҳамда жаҳоннинг йирик кутубхона, музей, шунингдек, таълим муассасаларига ҳадя қилишга бағишланган ижтимоий акция ҳам ташкил этилади.
- Шу билан бирга, Буюк Британия, Франция, Россия, Туркия, Чехия, Япония музейлари ҳамда кутубхоналарининг олимлари 2018 йилда чоп этиладиган янги альбомлар бўйича махсус маърузалар билан иштирок этишади.
- Медиа-форум доирасида Ўзбекистон мусиқа санъати оқшоми, шунингдек, ХХ аср бошларида ёзиб олинган ва яқинда қайта тикланган ўзбек мусиқа санъатининг илк аудиоёзувлари тақдимоти ҳам бўлиб ўтади
