Озарбойжон похтахти Боку шаҳрида йўловчи автобусининг ЙТҲга учраши оқибатида ўн икки нафар одам жабрланди, деб хабар берди Ntv.ru нашри.
Озарбойжон Соғлиқни сақлаш вазирлиги матбуот хизматининг хабар беришича, автоҳалокат Бокунинг энг серқатнов магистралларидан бири – Сурахан тумани ҳудудидаги Зих шоссесида содир бўлган.
Автобус бошқарувни йўқотиб, ағдарилиб кетган. 12 киши турли жароҳат олиб, касалхонага ётқизилган. Баъзи ОАВ берган маълумотга кўра эса автоҳалокат оқибатида 14 киши жабр кўрган.
Дастлабки ахборотга асосан, ЙТҲ нинг сабаби автобус ҳайдовчисининг тезликни оширгани деб кўрсатилмоқда.
