Ўзбекистонда хизмат кўрсатган артист Улуғбек Раҳматуллаев журналистлар билан бўлган учрашувда, Ўзбекистон халқ артисти Озодбек Назарбеков Маданият вазирининг биринчи ўринбосари бўлгандан сўнг соҳада қандай ўзгаришлар сезилгани ҳақида сўз очди...

— Авваламбор, ўзгаришлар ўз-ўзидан ва тез рўй бермайди. Ҳар бир нарсага аста-секинлик билан эришамиз. Қолаверса, Озодбек ака табиатан бошлаган ишини охирига етказадиганлардан эканлигини яхши биламан. Тўғри, четдан қараганда ҳали ўзгаришлар сезилмаётгандир, лекин соҳани ичидан “тозалаб”, бизни бирдамликка ва ҳаракатга ундаяптилар.