Йўловчиларга, сайёҳларга янада қулайлик яратиш мақсадида жорий йил 20 мартдан бошлаб, ҳозиргача “Тошкент–Қарши-Тошкент” йўналишида ҳаракатланаётган 4/3 сонли электропоезди “Тошкент-Термиз-Тошкент” йўналишида йўловчиларга хизмат кўрсатишни бошлади. Бу ҳақда “Ўзбекистон темир йўллари” ахборот хизмати хабар бермоқда.
Мазкур электропоезд ҳафтада 6 кун, яъни сешанба кунидан бошқа барча кунларда ҳаракатини амалга оширади.
Тошкентдан соат 08.50да жўнайдиган 4-сонли электропоезд, соат 20.16да Термиз вокзалига, Термиздан соат 06.50да жўнайдиган 3-сонли электропоезд эса соат 18.44да Тошкент вокзалига кириб келади.
